हरिवनमा ३ ओटा ट्याक्टरमा ट्रकको ठक्कर, २ घाईते

लालबन्दी : सर्लाहीको हरिवनमा रोकि राखेको ट्याक्टरमा ट्रक ठोक्किँदा २ जना घाईते भएका छन । ट्रक चालक भने फरार भएका प्रहरीले जानकारी दिएको छ ।

बिहिवार मध्यराती पुर्व पश्चिम लोकमार्ग अन्तर्गत हरिवन ११ ईन्दुशंकर चिनि मिलको गेट अगाडि उखु लोड गरि रोकि राखेको ३ ओटा ट्याक्टरमा कोकाकोला लोड भएको ट्रक ठोक्किएको थियो । पश्चिमबाट पुर्वतर्फ जाँदै गरेको ना ६ ख ५९०९ नम्बरको ट्रकको ठक्करबाट ना ५ त ८३७५ नम्बरको ट्याक्टर चालक बसबरिया गाउँपालिका १ बस्ने बर्ष ४० का राम बिराज राय र ना ६ त ४५३८ नम्बरको ट्याक्टर चालक चक्रघट्टा गाउँपालिका २ बस्ने बर्ष २४ का सुशिल कुमार यादव घाईते भएका छन ।

उनिहरुको अवस्था मध्यम रहेको, हरिवनस्थित नमुना अस्पतालमा उपचार भईरहेको र अवस्था सुधारोन्मुख रहेको ईलाका प्रहरी कार्यालय हरिवनले जनाएको छ । ज १ त ९६०२ नम्बरको ट्याक्टर चालक भने सकुशल रहेका छन ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0

प्रतिक्रिया

error: Alert: Content selection is disabled!!