जापान जान चाहने विद्यार्थीका लागी एजुकेशन माइन्सको बिशेष कार्यक्रम

लालबन्दी । पछिल्लो समय अध्ययनका लागी जापान जाने नेपाली विद्यार्थीको संख्या बढेपछि विद्यार्थीका लागी बिभिन्न अभिमुखिकरण कार्यक्रमहरु संचालन हुने क्रम बढ्दो छ । सोहि क्रममा सर्लाहीको लालबन्दीमा रहेको एजुकेशन माइन्स कन्सलटेन्सीले मंगलबार जापान अध्ययन गर्न जाने इच्छुक विद्यार्थीका लागि कार्यक्रम गरी विस्तृतमा जानकारी प्रदान गरेको छ ।

संस्थाले लालबन्दी नगरपालिका ९ स्थित होटल आर्या इनमा Study in japan Information Session संचालन गरेको हो । जापान जान इच्छुक विद्यार्थीका लागि कक्षा समेत संचालन गर्दै आइरहेको कन्सलटेन्सीले औपचारिक जानकारी सत्र नै आयोजना गरी विद्यार्थीलाई जापान जाँदा हाँसिल गर्नुपर्ने ज्ञान र चाल्नुपर्ने प्रोसेसबारे विस्तृतमा प्रष्ट पारिएको कन्सलटेन्सीका संचालक उत्सव वनले जानकारी दिए ।

लालबन्दी नगरपालिकाका मेयर बासुदेव अधिकारीको प्रमुख आतिथ्यता तथा नगरपालिकाका शिक्षा शाखा प्रमुख लक्ष्मी शिवाकोटीको विशिष्ठ आतिथ्यतामा जापानमा अध्ययन गर्न चाहने विद्यार्थीका लागि जानकारी सत्र आयोजना गरिएको हो । कार्यक्रममा जापानको एक कलेजका प्रतिनिधित्व गरि आएका असही काजुहिको समेत उपस्थिती थियो ।

कार्यक्रमका बक्ताहरुले यहाँका विद्यार्थी पढ्नका लागी जापान जाने लहर बढेको र त्यहाँ पढेर, जानेर आएको सिप र क्षमताको प्रयोग नेपालमै भए झनै राम्रो हुने धारणा ब्यक्त गरेका थिए ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0

प्रतिक्रिया