नेपाल र भारतका पदाधिकारीबिच निर्वाचन लक्षित सिमा सुरक्षा र शिल गर्ने बिषयमा बैठक सम्पन्न

लालबन्दी । सर्लाही सदरमुकाम मलंगवामा मंगलवार नेपाल र भारतका पदाधिकारीहरुको संयुक्त सीमा समन्वय बैठक सम्पन्न भएको छ ।

सर्लाहीका प्रमुख जिल्ला अधिकारी थानेश्वर गौतमको संयोजकत्वमा महोत्तरी र रौतहट जिल्लाका प्रमुख जिल्ला अधिकारी महोत्तरी तथा सर्लाही जिल्लाका सहायक प्रमुख जिल्ला अधिकारी एवं तीनवटै जिल्लाका नेपाल प्रहरीका प्रहरी उपरीक्षक, सशस्त्र प्रहरी बल, नेपालका प्रहरी उपरीक्षक, राष्ट्रिय अनुसन्धानका उप अनुसन्धान निर्देशक, भन्सार कार्यालयका कार्यालय प्रमुखहरु र भारतको सीतामढी जिल्लाका पदाधिकारीहरु बैठकमा सहभागी भएका थिए ।

बैठकमा सीमा सुरक्षा र सीमा अपराध नियन्त्रण, अन्तर्राष्ट्रिय सीमा अतिक्रमण, मानव बेचबिखन, मदिरा तथा लागू औषध ओसारपोसार नियन्त्रण, अवैध मुद्राको कारोवार नियन्त्रण लगायतका विषयमा आपसी सहयोग र समन्वयका साथै आगामी प्रतिनिधि सभा तथा प्रदेश सभा सदस्य निर्वाचन, २०७९मा सुरक्षा व्यवस्थापनका विषयमा सौहाद्रपूर्ण वातावरणमा छलफल भएको सर्लाहीका सिडियो थानेश्वर गौतमले प्रेस बिज्ञप्ति मार्फत जानकारी दिनुभएको छ ।

बैठकमा भारतीय पक्षले नेपालमा आगामी २०७९ मंसिर ४ गते हुन गईरहेको निर्वाचनमा आवश्यक सहयोग तथा समन्वयको लागि तयार रहेको बताएको थियो । निर्वाचनमा मतदानको समयभन्दा ७२ घण्टा पहिले देखि नेपाल भारत सीमा सिल गर्ने विषयमा समेत दुवै पक्ष बिच सहमति भएको छ ।

बैठकमा भारतको तर्फबाट सीतामढी जिल्लाका मुख्य जिल्लाधिकारीको नेतृत्वमा पुलीस अधीक्षक, भन्सार प्रमुख तथा एस.एस.बी. का अधिकारीहरू, लागू औषध नियन्त्रण अधिकारी लगायतका अधिकारीहरुको उपस्थिति रहेको थियो ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0

प्रतिक्रिया

error: Alert: Content selection is disabled!!