लालबन्दी : लायन्स क्लब अफ लालबन्दी सेन्चुरिको बर्ष २०२३/२४ को अध्यक्षमा मोहन राउत चयन भएका छन । शनिबार भएको क्लबको बैठकले नयाँ पदाधिकारी चयन गरेको हो ।
बैठकले उपाध्यक्षमा सन्तोष आचार्य, सचिवमा विश्वकृष्ण थापा र कोषाध्यक्षमा रमेश खड्कालाई सर्बसम्मत चयन गरेको छ । लालबन्दी ९ स्थित युनाइटेड होटेल ईनमा भएको कार्यक्रममा क्यालेन्डर समेत विमोचन गरिएको छ ।
लालबन्दी उद्योग वाणिज्य संघका अध्यक्ष दिपेन्द्र बलम्पाकी ‘दिपक’ को समेत उपस्तिथिमा भएको क्यालेन्डर विमोचनमा सुशील दाहाल, साकार शर्मा, जोन चेयर पर्सन गोपाल श्रेष्ठ लगाएतका क्लबका पदाधिकारीको सहभागीता रहेको थियोे । आजको कार्यक्रममा क्लबले बर्षभरी गर्ने कार्यक्रम तालिकासमेत सार्बजनिक गरेको नवनियुक्त अध्यक्ष मोहन राउतले लालबन्दी पोस्टलाई बताउनुभयो ।
अध्यक्ष चुनिएपछी हामीसँग संक्षिप्त प्रक्रिया दिँदै राउतले लायन्स क्लब एउटा निस्वार्थ भावले समाजसेवा गर्ने संस्था भएकोले सामाजिक हित र समाजसेवा गर्न चाहने सबैलाई क्लबमा आबद्ध भएर एकजुट भई समाजसेवामा लाग्न आग्रह गर्नुभयो ।
