लालबन्दी : सर्लाहीको हरिपुरमा म्याजिक चालकलाई कुटपिट गरि फरार एक ब्यक्तिको साथबाट प्रहरीले लागुऔषध बरामद गरेको छ ।
नवलपुर मलंगवा सडकखण्डस्थित हरिपुर ८ हात्तिसारमा मंगलवार राति पौने ८ बजेतिर म्याजिकको भाडाको बिषयमा चालकलाई कुटपिट गरि फरार भएका गोडैता ७ घर भई हरिवनमा डेरा गरि बस्ने बर्ष २० का दिपक बैठालाई प्रहरीले लागुऔषधसहित पक्राउ गरेको हो । ना १ ज २३८२ नम्बरको म्याजिक चालकलाई कुटपिट गरि भाग्दै गरेको अवस्थामा बैठालाई हरिपुर प्रहरीले तत्कालै पक्राउ गरेको थियो ।
पक्राउ परेका बैठाको साथबाट २६ पत्तामा ७८० पिस नाईट्रोभेट–१० लेखिएको लागुऔषध बरामद गरिएको जिल्ला प्रहरीका प्रवक्ता डिएसपी बिजय यादवले जानकारी दिए । उनलाई नियन्त्रणमा लिएर आवश्यक अनुसन्धान भईरहेको प्रहरीले बताएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
