क्रिकेटको उपाधि जनज्योति माबिलाई

रानिगंज । सर्लाहीको लालबन्दीमा आयोजित क्रिकेट प्रतियोगीता शुक्रबार सम्पन्न भएको छ । लालबन्दी राईजिङ क्लव लालबन्दी ७ को आयोजनामा यहि २० गतेबाट प्रतियोगीता सुरु भएको थियो ।

नगर स्कुल स्तरिय क्रिकेट प्रतियोगीता २०८० नाम दिईएको प्रतियोगीताको उपाधि जनज्योती माबिले जितेको छ । लालबन्दी नगरप्रमुख वासुदेब अधिकारीको प्रमुख आतिथ्यतामा सम्पन्न उपाधि वितरण समारोहमा प्रतियोगीताको दोश्रो टिम एभरेष्ट एकेडेमि रहेको क्लवका अध्यक्ष सुरज थापाले जानकारी दिए । बिजयी टिमलाई नगदसहित, शिल्ड, मेडल प्रदान गरिएको थियो ।

क्रिकेट प्रेमिहरु एवं खेलाडीहरुको संख्या दिनानुदिन बढेपनि लालबन्दी नगरपालिका भरि क्रिकेट खेल्नका लागी मैदान भने छैन । कठिन परिस्थितीका बावजुद हरेक खेल कालिन्जोर खोलाको बगर किनारमा संचालन हुने गरेक छन ।