- प्रदीप कुमार दास, रौतहट ।
महोत्तरीको सम्सी गाउँपालिका अन्तर्गत रहेका बाल अधिकार समिती तथा धार्मिक अगुवाहरुलाई लैङ्गिक हिंसा, यौन शोषण तथा दुब्र्यवहार र उत्पीडनबाट संरक्षण नीति २०८० सम्बन्धि २ दिने तालिम प्रदान गरिएको छ ।
बर्दिबासमा सम्पन्न तालिममा सहभागीहरुलाई सहजीकरण सुलोचना खनाल र अवलोकन महिला हिंसा विरुद्धको अन्तरधार्मिक राष्ट्रिय सञ्जाल निरन नेपालकी बन्दना कुमारी झा राईले गर्नु भएको थियो । सहभागीहरुले समाजमा विद्यमान परम्परागत हानिकारक अभ्यासहरु, जस्तै लैङ्गिक हिंसा, महिला हिंसा, बाल बिबाह, दाइजो प्रथा जस्ता बिषयमा छलफल गरेका थिए ।
यौन शोषण तथा दुब्र्यवहार र उत्पीडन बारे परिचय, बुझाइ, कारण तथा परिणामहरुको रोकथामका सम्बन्धमा छलफल सँगै नेतृत्व संस्कृति र व्यवहार परिवर्तन तथा त्यस्ता हिंसामा सुरक्षा नीति र प्रक्रिया, गुनासो संयन्त्र आदि बारे तालिममा प्रशिक्षण प्रदान गरिएको थियो ।
