वीरगंज – आगामी मंसिर ४ गते हुने निर्वाचनमा प्रतिनिधि तथा प्रदेशसभा सदस्य पदका उम्मेदवारहरु छठ घाटमै पुगेर मत मागेको देखिएको छ । छठ मनाउन व्यस्त रहेका व्रतालुहरुको घाटमा पुगेर उम्मेदवारहरुले मत मागेका हुन् ।
यसैबिच,पर्सा क्षेत्र १(क) को उमेदवार रहबर अंसारीले व्रतालुहरुलाई शुभकामना दिंदै मत मागेका छन् ।
उनी घाट घाटमा पुगिरहँदा मतदाताहरु पनि उत्साहित देखिएका थिए । घाटमा पुगेका उम्मेदवार अंसारीलाई व्रतालुहरुले आफ्ना गुनासो र माग राखेका थिए ।
अंसारीले आफूहरुले पहिलो चरणको अभियान अन्तर्गत घरदैलो कार्यक्रम गरेको र आज मतदाताहरुसँग छठ घाटमै पुगेर आशिर्वाद थापेको बताए । उनले आस्थाको महापर्व छठमा पोखरी घाटहरुमा पुगेर छठि माताको दर्शन गर्नुका साथै मतदातासँग प्रत्यक्ष भेट्न पाउँदा आफू हर्षित भएको बताए ।
यो खबर पढेर तपाईलाई कस्तो महसुस भयो ?
+1
+1
+1
+1
+1
