लालबन्दी : ट्राफिक प्रहरीको ज्याद्धति बिरुद्ध सर्लाहीको लालबन्दीका तरकारी ब्यापारिहरु आन्दोलित भएका छन ।
उनिहरुले हिजो शुक्रबार काठमाण्डौंका लागी लोड गरेर पठाईएको तरकारी प्रहरीले बागमतिमा झारेर पैसा मागेको आरोप लगाएका छन । उनिहरुले आफुहरुको हरियो तरकारी प्रहरीले पैसा मागेर काठमाण्डौँसम्म जान नदिँदा किसानहरु मारमा परेको बताएका छन । उनिहरुले हरियो तरकारी सड्ने भएकाले प्रहरीको पैसा असुली धन्दा ठिक नभएको र त्यसको बिरोधमा आन्दोलनमा उत्रीएको दाबि गरेका छन ।
उनिहरुले लालबन्दी नगरपालिका वडा नम्बर ७ स्थित तरकारी बजार नजिकैको डुमडुमे पुलमा सिमि, टमाटर, भान्टा लगाएतका तरकारी फ्याँकेका छन । उनिहरुले बिहान ९ बजेतिर सडकमा तरकारी पोखाएर सडक अबरुद्ध गरेका थिए भने अहिले २ बजे सम्बद्ध निकायहरुको बैठक तय गरि सडक भने खुलाईएको छ ।
उनिहरुले ईटहरीदेखिको समान चाहिँ जान दिएको र लालबन्दीको तरकारीलाई रोक्नु गलत भएको बताएका छन ।