लालबन्दी, साउन २१ । सर्लाहीको बरहथवामा शनिवार साँझ भएको दुर्घटनामा परि एक जनाको ज्यान गएको छ ।
साँझ साँढे ६ बजेतिर बरहथवा ९ सोल्टिमोडमा बिपरित दिशाबाट जाँदै गरेका म्याजिक र मोटरसाईकल एक आपसमा ठोक्किएर दुर्घटना भएको थियो । बरहथवातर्फ जाँदै गरेको ना १ ज २८४९ नम्बरको म्याजिक र बिपरित दिशाबाट जाँदै गरेको ना २० प ५१७९ नम्बरको मोटरसाईकल ठोक्किँदा मोटरसाईकल चालक रौतहटको चन्द्रपुर नगरपालिका १ मंगलपुर घर भएका अन्दाजी बर्ष ३७ का सुमन सहनीको मृत्यु भएको प्रहरीले बताएको छ ।
दुर्घटनामा परि घाईते भएका सहनी र पछाडी सवार सिराहा जिल्ला, गोलबजार ४ बस्ने लालबहादुर महराकी श्रीमती अन्दाजी बर्ष २७ की चन्द्रेश्वरी महरालाई उपचारका लागी नमुना हस्पिटल हरिवन लगीएकोमा सहनीलाई चिकित्सकले मृत घोषणा गरेका थिए । घाईती महरालाई भने थप उपचारका लागी एल.एस.हस्पिटल बारा पठाइएको छ ।
दुर्घट्नामा परेमा म्याजिक, चालक र मोटरसाईकल ईलाका प्रहरी कार्यालय बरहथवाको नियन्त्रणमा रहेका जिल्ला ट्राफिक प्रहरी कार्यालय नवलपुर सर्लाहीले जनाएको छ ।
