हाम्रो सुन्दर भरत तालमा चन्द्रमाको छाँया – भक्ति रिजाल

शिरमा छिन् बागमती शान प्रकृतिको ।
छेउमै बस्यो भरत ताल मान धरतिको ।

डाँडाबाट बेग मारी झ¥यो मैना चरी ।
पिरतीको भाव बोल्यो गाउँदै चिरिबिरी,
यसै ठाउँमा यसै गाउँमा सलबलाउँछ माया ।
हाम्रो सुन्दर भरत तालमा चन्द्रमाको छाँया ।।

समयको सृजना यो बास दिन्छ धरा ।
चारैतिर हरियाली बस्ती हरा भरा ।
धरती खुसी हुन्छिन्, राख्छिन् सँधै दायाँ ।
हाम्रो सुन्दर भरत तालमा चन्द्रमाको छाँया ।।

उकालीमा देउरालीको बर भेटे जस्तै ।
मिर्मिरेमा चन्द्रमाको ज्योति पाए जस्तै,
इन्द्रेणीले बास बस्छ सधैं भन्छिन् आमा ।
हाम्रो सुन्दर भरत तालमा चन्द्रमाको छाँया ।।

बहुभाषि कवि तथा गजलकार भक्ति रिजाल
हरिवन, सर्लाही ।