क्षितिज विश्वकर्मा, सर्लाही । सुनुवार भाषामा आफ्नो पहिलो गीत ‘गे ते ङा गो ते ङा ते ङा’ सार्वजनिक गरेकी चर्चित लोकदोहोरी गायीका कल्पना सुनुवार सम्मानीत भएकी छिन ।
उनलाई उक्त गीतमार्फत सुनुवार समाजको संस्कृति जगेर्ना गर्न महत्वपुर्ण भुमिका खेलेको भन्दै सुनुवार सेवा समाजले नगद पुरस्कारसहित सम्मान गरेको हो । बुधवार काठमाण्डौँस्थित सुनुवार सेवा समाजको भवन कोटेश्वरमा भएको बृहत कार्यक्रममार्फत गायीका सुनुवाईरलाई कृष्ण बहादुर सुनुवार, बिष्णुमाया सुनुवार कोषद्वारा सम्मान गरिएको थियो ।
समाजका अध्यक्ष अमृत बहादुर सुनुवारको अध्यक्षता तथा बागमति प्रदेशसभा सदस्य उर्मिला सुनुवारको प्रमुख आतिथ्यतामा भएको कार्यक्रममा गायीक सुनुवारलाई नगद पुरस्कारसहित सम्मान गरिएको आयोजकले जनाएको छ । सुनुवार भाषाकै अर्को गीतको तयारीमा रहेकी सुनुवारको ‘गे ते ङा गो ते ङा ते ङा’ बोलको गीत राष्ट्रिय जनजाती म्युजिक अवार्डको टप ५ मा परेको छ ।
तारादेवी सुनुवारको शब्द र रामकुमार पौडेलको संगीतमा गायीका सुनुवारले स्वर भरेको गीतलाई क्वालिटी फिल्म्सले संगीत बजारमा सार्वजनिक गरेको हो ।
गायीका सुनुवारको डाँडैमा बिजुली आयो, आँखै नलाउनी लगाएतका दोहोरी गीतहरुलाई दर्शकले खुबै रुचाएका छन ।
हेर्नुहोस्, सुनुवारको पहिलो सुनुवार भाषाको म्युजिक भिडियो ।
