लालबन्दी । मेचीमहाकाली बुहारी संयुक्त आवाज सर्लाही शाखाले आईतबार सिडियोलाई स्वागत तथा सम्मान गरेको छ ।
सदरमुकाम मलंगवास्थित प्रमुख जिल्ला अधिकारी (सिडियो)को कार्यकक्षमै पुगेर जिल्लामा नयाँ आउनुभएका सिडियो कोमलप्रसाद धमलालाई स्वागत गरिएको मेचीमहाकाली बुहारी संयुक्त आवाज सर्लाही शाखाले जनाएको छ । शाखाकी सर्लाही जिल्ला अध्यक्ष सानु पाख्रिनको नेतृत्वमा पुगेको टोलीले सिडियो धमलालाई जिल्लामा स्वागत एवं सम्मान गर्दै समसामयीक बिषयमा समेत महत्वपुर्ण छलफल गरिएको संस्थाकी मधेश प्रदेश उपाध्यक्ष रमा काफ्लेले जानकारी दिनुभयो ।
भेटमा महिला तथा बालबालिकाको क्षेत्रमा काम गर्ने संस्था भएकोले आफुलाई भेटघाट एवं चिनजान गर्न पाउँदा खुसि लागेको बताउँदै सिडियो धमलाले आफुले सकेको सहयोग गर्ने प्रतिबद्धता जनाउनुभएको संस्थाकी सर्लाही जिल्ला अध्यक्ष सानु पाख्रिनले बताउनुभयो ।
भेटमा जाजरकोटका भुकम्प पिडितका लागी राहत संकलन गर्ने बिषयमा पनि छलफल भएको पाख्रिनले जानकारी दिनुभयो ।
