लालबन्दी : सर्लाहीको चन्द्रनगरमा पोखरीमा डुबेर एक वालिकाको ज्यान गएको छ ।
बिहीबार मध्यान्हको समयमा आफ्नो मावलीको हजुरबुबा हजुरआमासँग पोखरीमा कपडा धुन गएकी ११ बर्षिय वालिका गुन्जन पटेलको डुबेर ज्यान गएको प्रहरीले जनाएको छ । वडा नम्बर ६ बगदह घर भएका अमरेस पटेलकी छोरी वडा नम्बर ४ स्थित मामाघरमा बस्दै आएकी थिईन ।
वडा नम्बर २ मा रहेको राम प्रसाद सिंह दनुवारको पोखरीमा नुहाउने क्रममा वालिकाको ज्यान गएको जिल्ला प्रहरी कार्यालय सर्लाहीले जनाएको छ ।
त्यसैगरी आजै दिउँसो सवा १ बजेको समयमा करेन्ट लागेर ईश्वरपुरमा एक वालकको मृत्यु भएको छ । ईश्वरपुर १५ बस्ने श्याम दासको अन्दाजी १२ बर्षका छोरा आशिस कुमार दासलाई आफ्नै घरमा खेल्ने क्रममा करेन्ट लागेको थियो ।
उनलाई स्थानीय मेडिकलमा सामान्य उपचार गरि लालबन्दीस्थित मोडेल हस्पिटलमा पुर्याउँदा चिकित्सकले मृत घोषणा गरेका थिए । बालक आफ्नै घरमा खेल्दै गर्दा पंखामा रहेको नांगो तारमा छुन पुगेका परिवारले जनाएका छन ।
