जनकपुरमा २३ करोड रुपैयाँको लागतमा मधेश प्रदेश प्रहरी कार्यालय बन्दै

जनकपुरधाम । मधेश प्रदेशको राजधानी जनकपुरधाममा करिब २३ करोड रुपैयाँको लागतमा मधेश प्रदेश प्रहरी कार्यालय बन्ने भएको छ । हालको संघीय प्रहरी कार्यालय परिसरमा सुविधा सम्पन्न मधेश प्रदेश प्रहरी कार्यालय निर्माण हुन लागेको हो । उक्त कार्यालयको शुक्रबार एक समारोहबीच मुख्यमन्त्री सरोज कुमार यादवले शिलान्यास गरेका छन् ।

मधेश प्रदेश प्रहरी कार्यालयका प्रमुख प्रहरी नायब महानिरीक्षक जनक भट्टराईले २३ करोड १० लाख ४३ हजार ४०७ रुपैयाँको लागतमा कार्यालयको भवन निर्माण हुन लागेकाे जानकारी दिए । उनका अनुसार १८ महिनामा निर्माण हुने सम्झौता गरिएको छ ।

कार्यालय शिलान्यास गर्दै मुख्यमन्त्री यादवले प्रहरी समायोजन नहुँदा प्रदेशमा आपराधिक घटना बढेको जिकिर गरे । उनले प्रदेश मातहत प्रहरी आएपछि अपराध घट्ने दावी गरे । उनले भने, ’प्रदेश मातहत प्रहरी आएपछि सबै सुविधा उपलब्ध गराउँछौं ।’

उनले प्रहरी प्रदेश सरकार मातहत आएमा राजश्व डेढ गुणाले बढ्ने पनि बताए । प्रहरी प्रदेश मातहतमा जाँदा राजश्व घट्ने शंका नगर्न संघीय सरकारलाई विश्वास दिलाउन चाहेको उनको भनाई थियो ।

मुख्यमन्त्री यादवले प्रहरी चौकीहरुमा सवारीसाधनका लागि १५ करोड रुपैयाँ उपलब्ध गराउन लागेको बताए । उनले भने, ’यस प्रदेशका प्रहरीलाई मेट्रेस ९ओछ्याउने सामग्री० पनि छिट्टै उपलब्ध गराउँछौं ।’

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0

प्रतिक्रिया

सम्बन्धित खबर

जनकपुरमा २३ करोड रुपैयाँको लागतमा मधेश प्रदेश प्रहरी कार्यालय बन्दै

अनेरास्ववियु मधेश प्रदेश कमिटिको अध्यमा ‘शिवहरी’ चयन

जनकपुरमा २३ करोड रुपैयाँको लागतमा मधेश प्रदेश प्रहरी कार्यालय बन्दै

लालबन्दीमा छुवाछूत विरुद्धको नाटक प्रदर्शन गरियो

जनकपुरमा २३ करोड रुपैयाँको लागतमा मधेश प्रदेश प्रहरी कार्यालय बन्दै

कक्षा १२ काे नतिजा प्रकाशित

जनकपुरमा २३ करोड रुपैयाँको लागतमा मधेश प्रदेश प्रहरी कार्यालय बन्दै

भारतिय सिमामा १०८ फिटको झण्डोत्तोलन

error: Alert: Content selection is disabled!!