धनकौल । सर्लाहीको धनकौल गाउँपालिकामा नयाँ हामिक आएका छन । गाउँपालिकाले बिहिवार एक कार्यक्रम गर्दै नयाँ हाकिम (प्रमुख प्रशासकिय अधिकृत)लाई स्वागत गरेको हो ।
गाउँपालिकामा प्रमुख प्रशासकिय अधिकृतको रुपमा हाजिर भएका रंजय पटेललाई गाउँपालिका अध्यक्ष राम आश्रय साहसहित अन्य जनप्रतिनिधि र नगरका कर्मचारीहरुले फुलमाला र अबिर लगाईदिएर स्वागत गरे ।
रौतहटको राजदेवी नगरपालिका ५ पताही घर भएका पटेलले गाउँपालिकामा प्रमुख प्रशासकिय अधिकृतको पदभार ग्रहण गर्दै आफुले पुरा ईमान्दारीताका साथ काम गर्ने प्रतिबद्धता व्यक्त गरे । कर्मचारी र जनप्रतिनिधि बिच समन्वय र साझेदारी निर्माण गरी जनताको सेवा प्रवाहमा छिटोछरितो र विकास निर्माण कार्यमा तिब्रता दिने उनको भनाई छ ।
पटेललाई संघिय मामिला तथा सामान्य प्रशासन मन्त्रालयबाट सो गाउँपालिकामा खटाईएको हो । यस अघि सो पालिकामा स्वास्थ क्षेत्रका कृष्ण मोहन साहले निमित्त प्रमुख प्रशासकीय अधिकृतको जिम्मेवार सम्हाल्दै आएका थिए ।
