सर्लाही प्रहरीले करिव ३६ बिघा गाँजा खेति नष्ट गरिसक्यो

लालबन्दी : सर्लाही प्रहरीले शुक्रवार पुनः एक बिघा ७ कट्ठामा लगाईएको गाँजा खेति नष्ट गरेको छ ।

ईलाका प्रहरी कार्यालय केशरगञ्ज, बयलवासबाट गएको २० जना प्रहरीको टोलीले ईश्वरपुर नगरपालिका वडा नम्बर १२ लामिदमारका बिभिन्न स्थानमा लगाईएको गाँजा खेति नष्ट गरेको हो । जिल्लामा नयाँ एसपी आएपछि गाँजा फडानीमा प्रहरीले सक्रियता देखाएको छ । एकहप्ता अघि शुक्रवार जिल्लामा नयाँ प्रहरी प्रमुख नरेशराज सुवेदी आएका छन ।

उनले कार्यभार सम्हाल्दै गर्दा जिल्लामा ब्यापाक रुपमा अवैधानिक गाँजा खेति भएको सुचना आएको र ति सबै नष्ट गरिने बताएका थिए । त्यसको फलस्वरुप शुक्रवारसम्म सर्लाही प्रहरीले ३५ बिघा ७ कट्ठामा लगाईएको गाँजा खेति नष्ट गरिसकेको छ । जिल्लाका राजमार्गबाट उत्तरतर्फ सिन्धुलीसँग सिमा जोडिएको चुरे क्षेत्रका बिभिन्न भेगमा पाखोबारी तथा खोरियाहरुमा ब्यापक रुपमा गाँजा खेति हुने गरेको प्रहरीले सुचना पाएको छ ।

गाँजा फडानी कार्यले निरन्तरता पाउने नयाँ एसपी सुवेदीले बताएका छन ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0

प्रतिक्रिया

error: Alert: Content selection is disabled!!