मलंगवामा स्कुल बसको ठक्करबाट कबिलासिका दिपेन्द्रको मृत्यु

लालबन्दी : स्कुल बसले मोटरसाइकललाई ठक्कर दिँदा मलंगवामा एक जनाको मृत्यु भएको छ भने दुई जना घाइते भएका छन्।

स्कुल बसको ठक्करबाट सर्लाहीको कबिलासी नगरपालिका–९ बस्ने १८ वर्षीय दीपेन्द्र महतोको मृत्यु भएको हो। दुर्घटनालगत्तै उनलाई उपचारको लागि प्रादेशिक अस्पताल मलंगवामा पुर्‍याइए पनि चिकित्सकले मृत घोषित गरेका सर्लाहीका प्रहरी प्रवक्ता प्रहरी नायब उपरीक्षक विजय श्रेष्ठले जानकारी दिए ।

सोही मोटरसाइकलको पछाडि सवार कबिलासी–१० की १७ वर्षीया सबनम गुप्ता र १७ वर्षीया पूजाकुमारी महतोको अवस्था गम्भीर रहेको छ। दुवै जनाको प्रादेशिक अस्पताल मलंगवामा सामान्य उपचारपश्चात थप उपचारको लागि वीरगञ्ज पठाइएको जिल्ला प्रहरी कार्यालय सर्लाहीले जनाएको छ।

शनिबार बिहान करिब पौने १० बजे मलंगवा नगरपालिका–४ स्थित नवलपुर मलंगवा सडकखण्डमा मलंगवाबाट गमहरियातर्फ जाँदै गरेको ना १ क ४९५१ नम्बरको जेसिस अंग्रेजी आवसीय माध्यामिक विद्यालयको स्कुल बसले भारतीय नम्बर प्लेटको मोटरसाइकललाई ठक्कर दिएको थियो।

ठक्कर दिने स्कुल बस र बसका चालक प्रहरीको नियन्त्रणमा रहेका छन्।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0

प्रतिक्रिया

error: Alert: Content selection is disabled!!