हरिवन, असार १६ : निस्वार्थ सेवा भावले एकत्रीत भएका लालबन्दीका महिलाहरुको समुहले शनिवार हरिवनमा रहेको मानव सेवा आश्रममा भोजनसेवा गरेको छ । सो समुहको नाम दिदी बहिनी जागरण अभियान हो ।
अभियानमा आवद्ध ४३ जना महिलाहरुबाट संकलित रकमबाट आश्रममा सेवा गरिएको अभियानकी नेतृत्वकर्ता रेणुका खड्काले जानकारी दिनुभयो । हरिवन १ मा रहेको आश्रममा पुगेका अभियानमा आवद्ध महिलाहरुको समुहले २१ हजार पाँच सय रुपैयाँसहित भोजनसेवा गरेको अभियानकी अर्कि नेर्तत्वकर्ता रमा निरौलाले बताउनुभयो ।
सेवाभाव भएका स्थानिय महिलाहरुको आपसि छलफल पश्चात हरेक ३/३ महिनामा बिभिन्न ठाउँमा सहयोग गर्ने उद्देश्यसहित स्थापित अभियानले यो सहित तेश्रो पटक सेवा गरेको हो । अभियानले यसअघि लालबन्दीको राधाकृष्ण मन्दिर तथा धर्मशाला डुमडुमे र पद्म भुवनेश्वरी नमुना सेवा बृद्धाश्रम जुटपानीमा पनि सेवा सहयोग गरि सकेको छ । २५ जनाबाट स्थापित अभियानमा अहिले ४३ जना हुनुहुन्छ भने अन्य महिलाहरु पनि अभियानमा जोडिन ईच्छुक बनिरहेका अभियानले जनाएको छ ।
अभियानले चौथो पटक द्वन्द्ध पिडित बालगृहमा सहयोग गर्ने योजना बनाएको नेतृत्वकर्ता खड्काको भनाई छ । हाल स्वतन्त्र रुपमा एकजुट हुँदै सेवा गरिरहेको भएपनि आगामि दिनमा अभियानलाई आधिकारीक संगठनको रुपमा दर्ता गरि यस्ता कार्यक्रमहरु संचालन गरिने खड्काले बताउनुभयो ।
