लालबन्दी : सर्लाही सदरमुकाम मलंगवास्थित प्रादेशिक अस्पतालको शौचालयमामा एक भारतिय महिलाले बच्चा जन्माएर छोडेर फरार भएकी छिन ।
भारत बिहार राज्यको सितामढि सोनबर्षाकी अन्दाजी बर्ष २२ कि सैयम कुमारी गर्भवति अवस्थामा उपचारका लागी अस्पताल पुगेकी र शौचालय गएको अवस्थामा बच्चा (छोरा) जन्माई फरार भएकी थिईन । सोमबार भारतिय महिला पेट दुख्यो भन्दै आएको र जाँच गर्दा गर्भवति रहेको पाईएपछि प्रशुति शाखामा भर्ना गरिएको थियो ।
बच्चाको अवस्था सामान्य रहेको र अस्पतालमै राखिएको अस्पतालका मेसु डा. नवल किशोर झाले बताउनुभयो । उहाँका अनुसार बच्चालाई एकद्वार संकट ब्यवस्थापन केन्द्र (ओसिएमसि) को जिम्मामा राखिएको हो । प्रमुख जिल्ला अधिकारी अध्यक्ष हुने ओसिएमसि नेपाल सरकारको बजेट मार्फत संचालित अस्पतालभित्रकै एक युनिट भएको डा. झाले जानकारी दिनुभयो ।
फरार भारतिय महिलाको खोजी भईरहेको जिल्ला प्रहरी कार्यालय सर्लाहीले जनाएको छ ।
