रविन्द्र मिश्रलाई ओलीले दिए चुच्चे नक्शासहितकाे एक मुठ्ठी सिक्का

काठमाडौं । विवेकशील साझा पार्टीका अध्यक्ष रविन्द्र मिश्रले नेकपा(एमाले) अध्यक्ष केपी शर्मा ओलीलाई भेटेका छन् । आइतबार साँझ ओलीसँग साढे २ घण्टा बिताएका क्षणबारे उनले आज बिहान समाजिक सञ्जालमा जानकारी दिएका छन् ।

चुच्चे नक्शासहित आफू प्रधानमन्त्री हुँदा छाप्न लगाएको एक र दुई रूपैयाँको एक मुठ्ठी सिक्का उपहार दिएको भन्दै मिश्रले सिक्काको तस्बिरसमेत राखेका छन् । मिश्रले केपी ओलीको ऊर्जा र लगन अनौठो रहेको भन्दै तारिफ समेत गरेका छन् ।

‘ओलीजीसँग उहाँकै निवास बालकोटमा हिजो साँझ ६ बजेको लागि तय भएको भेट अढाई घण्टा चल्यो । आसन्न निर्वाचन, देशको राजनीति र भूराजनीति, विदेशी चासो र हष्तक्षेप, राजसंस्थाको आवश्यकता र असान्दर्भिकता, उहाँको राजनीतिक यात्रा, जेल जीवन र गोलघरको पीडा, चुच्चे नक्शा पारित गर्नुपूर्व भोगेका जटिलता तथा अन्य कयौँ विषयमा कुराकानी भयो’, मिश्रले उल्लेख गरेका छन् ।

भेटघाटको क्रममा ओलीले आफूलाई दिएको ढाडसबारे मिश्रले उल्लेख गरेका छन्, ‘तपाईँ चेस खेलेर आएको मान्छे अहिले बास्केटबलको मैदानमा हुनुहुन्छ, जहाँ छलछाम, घम्साघम्सी सबै हुन्छ। नआत्तिनु होला ।’

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0

प्रतिक्रिया