आज कुशे ओैँसि,बुवाकाे मुख हेर्ने दिन

हेटौंडा ।आज भाद्र कुशे ओैँसि,बुवाकाे मुख हेर्ने दिन। आजकाे दिन आफ्नो बुवालाई मिठा परिकार खान दिने, उपहार दिने र आशिर्वाद लिने प्रचलन छ । बुवासँग प्रत्यक्ष भेट्न नसक्नेले प्रविधिकाे सहायतामा कुराकानी गर्छन् ।
आमालाई ‘मातृदेवाे भव’ भनेजस्तै बुवालाई ‘पितृदेवो भव’ भन्ने धार्मिक मान्यताअनुरूप आजकाे दिन छोराछोरीहरूले आफ्ना बुवालाई श्रद्धापूर्वक रुचिअनुसारको खाना खुवाई आशीर्वाद प्राप्त गरे जीवनभर सुख मिल्ने विश्वास गरिन्छ ।
 पहिला पहिला आमाका नाममा धेरै कविता, कथा, गीत रचना गरिएपनि बुवाकाे नाम कमै आउने गर्थ्याे । तर  केही वर्ष यता बुवाकाे नाममा पनि कविता काेर्ने, गीत लेख्ने प्रचलन बढेकाे छ ।
बाबु नहुनेहरूले भने आजकाे दिन विभिन्न पवित्र ठाउँमा गई आफ्ना बाबुको नाममा तर्पण, पिण्डदान तथा श्राद्ध गरी सिदा दिने गर्छन् । 
गत वर्ष यस दिन काठमाडौंको उत्तरपूर्वी भेगस्थित गोकर्णेश्वर महादेव मन्दिर परिसरमा विशेष मेला लाग्थ्याे । दिंवगत बुवाकाे नाममा तर्पण, पिण्डदान तथा सिदादान गर्नेको भीड लाग्थ्याे । रसुवाको वेत्रावती, चितवनकाे देवघाट लगायतमा पनि भक्तजनको भीड लाग्थ्याे ।
तर काेराेना महामारीले अहिले यी सबै ओझेल । भीडभाडका कारण काेराेना संक्रमण फैलँने डरले सबै मन्दिर बन्द गरिएकाे छ ।  यस वर्ष साउन महिनाभर पशुपतिनाथ मन्दिर समेत खाेलिएन ।
भाद्र कृष्ण औँसीका दिन मनाइने कुशे औँशी पर्व आज वैदिक सनातन धर्मावलम्वीले वर्षभरि देवकार्य तथा पितृकार्यमा प्रयोग गरिने पवित्र कुश घर–घरमा भित्र्याएर मनाउँदैछन् । आजका दिन उखेलिएको कुश वर्षभर प्रयोग गर्न सकिने र अरु दिन उखेलिएको कुशे त्यसै दिन मात्र उपयोग गर्न सकिने शास्त्रीय मान्यता छ ।
कुश हरेक धार्मिक कार्यमा प्रयाेग गरिन्छ । कुश, तुलसी, पीपल र शालिग्रामलाई भगवान् विष्णुको प्रतीक मानिन्छ ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0

प्रतिक्रिया

error: Alert: Content selection is disabled!!