लालबन्दी । सर्लाहीका ३ पालिकामा बुधबार एकैदिन प्रमुख प्रशासकिय अधिकृत हाजिर भएका छन । लालबन्दी, हरिवन र हरिपुर्वा नगरपालिकामा ३ उपसचिव प्रमुख प्रशासकिय अधिकृतको रुपमा हाजिर भएका हुन ।
लालबन्दीमा उपसचिव वशन्त न्यौपाने आएका छन । उनि धनुषाको मिथिला नगरपालिकाबाट यहाँ आएका हुन । उनी लालबन्दी ७ कै स्थायी बासिन्दा हुन ।
त्यसैगरि हरिवनमा उपसचिव देवेन्द्र सापकोटा हाजिर भएका छन । बाजुराको बडिमालिका नगरपालिकाबाट हरिवन आएका सापकोटा साबिकको हरिवन गाबिस हुँदा समेत यहाँ कार्यरत थिए ।
उता हरिपुर्वा नगरपालिकामा नयाँ प्रमुख प्रशासकिय अधिकृतको रुपमा उपसचिव शम्भु प्रसाद यादवले हाजिर गरेका छन । राजनितिक खिचातानीका कारण यो समेत तेश्रो पटक हाजिर हुन आएका यादव यस अघि दुई पटक हाजिर हुन आएका थिए । गएको बैशाख १७ गते हाजिर हुन आएका यादवलाई १ घण्टामै फिर्ता बोलाईएको थियो भने असोज १७ गते पुनः आएका यादव २४ घण्टापछि फिर्ता भएका थिए ।
अहिले, संघीय मामिला तथा सामान्य प्रशासन मन्त्रालयको मंसिर २८ गतेको निर्णय अनुसार यादवलाई नगराइन नगरपालिका धनुषाबाट सरुवा गरि हरिपुर्वा नगरपालिकामा पठाएको हो । प्रमुख प्रशासकिय अधिकृत नहुँदा हरिपुर्वाको नगरसभा हालसम्म हुन सकेको छैन । शिक्षक, कर्मचारीले तलव खान पाएका छैनन्, सामाजिक सुरक्षा भत्ता समेत नपाउँदा आफुहरु मारमा परेको उनिहरुको भनाई छ ।
अहिले आएका हाकिमलाई पनि कहिले कतिबेला फिर्ता बोलाउने हो भन्ने त्रासमा मेयर विनोद कुमार साह तेली र कर्मचारी तथा प्रायन गरवासि छन ।
केहि दिन अघिमात्रै जिल्ला सदरमुकाम मलंगवामा उपसचिव होम प्रसाद सुवेदीले पुनः प्रमुख प्रशासकिय अधिकृतको जिम्मेवारी सम्हालेका छन ।
