लालबन्दी । सर्लाहीको लालबन्दी नगरपालिकाले अपाङ्गता परिचय पत्र वितरणका लागी शिविर सुरु गरेको छ ।
नगरपालिकाले अपाङ्गता भएका व्यक्तिहरुलाई सहजताका लागी तथा स्थानिय सरकारको प्रत्याभुती गराउनका लागी वडा स्तरमै अपाङ्गता परिचय पत्र वितरण कार्य सुरु गरेको जनाएको छ ।
आईतबारबाट सुरु भएको शिबिर नगरपालिकाको १७ वटै वडामा आगामि मंसिर २२ गतेसम्म चल्ने छ । पहिलो दिन वडा नम्बर १ को कार्यालयबाट अपाङ्गता परिचय पत्र वितरण सुरु गरिएको प्रशासकिय अधिकृत एवं नगरपालिकाका सूचना अधिकारी रेवती प्रसाद पौडेलले जानकारी दिनुभयो ।
अपाङ्गता परिचय पत्र प्राप्तिका लागी नागरिकता र जन्मदर्ताको प्रतिलिपि, पासपोर्ट साईजको फोटो ४ प्रति र सम्बन्धित वडा कार्यालयको सिफारिस आवश्यक पर्ने छ भने चिकित्सक जाँच पुर्जा शिबिरमै उपलब्ध हुने सूचना अधिकारी पौडेलले बताउनुभयो ।
पहिलो दिन वडा नम्बर १ को शिबिरबाट ७ वटा अपाङ्गता परिचय पत्र वितरण गरिएको छ ।
