लालबन्दी । संचारकर्मी प्रकाश मैनालीले सोमबार गुरुकुल र आश्रममा सहयोग प्रदान गर्दै आफ्नो जन्मदिन मनाएका छन ।
सर्लाहीको लालबन्दीबाट प्रसारण हुने रेडियो एकताका स्टेशन म्यानेजर तथा अन्य राष्ट्रियस्तरका बिभिन्न मिडियामा आवद्ध मैनालीले जन्मदिनको अवसरमा लालबन्दी ७ स्थित राधाकृष्ण गुरुकुलममा बस्ने बटुकका लागि खाद्यान्न प्रदान गरे । उनले एक महिनालाई पुग्ने चामल तथा दाल सहयोग गरेका गुरुकुलमले जनाएको छ । गुरुकुलममा बसेर संँस्कृत अध्ययन् गरिरहेका बटुकलाई खाद्यान्न अभाव रहेको थाहा पाएपछि जन्मदिनको अवसर पारेर मैनालीले एक महिनाका लागि पुग्ने १ सय ७५ केजी चालम र ३० केजी दाल प्रदान गरेका हुन ।
मैनालीले सोमबार नै लालबन्दी २ स्थित पद्म–भुवनेश्वरी नमूना वृद्ध सेवाश्रममा दुई थान एलइडी बत्ती र आश्रममा आश्रीतहरुलाई फलफूल समेत वितरण गरे । सो अवसरमा आश्रमका संरक्षक बासुदेवशरण कोइराला र संचालक भवानी कोइरालाले उनलाई शुभआर्शिवाद ब्यक्त गरेका थिए ।
रेडक्रस बयलवासको सदस्य तथा आँखा उपचार केन्द्रका उपाध्यक्ष समेत रहेका संचारकर्मी मैनालीले हरिवन नगरपालिका १ कैलाशपुरीस्थित मानव सेवाश्रममा पनि दुई थान एलइडी बत्ती प्रदान गरेका छन ।
