हेटौंडा । निर्वाचन आचारसंहिता उल्लंघन गर्दै मकवानपुरको मनहरी गाउँपालिकाका अध्यक्ष रन्जन कालाखेती सत्ता गठबन्धनको चुनावी प्रचारमा हिँडेका छन् ।
निर्वाचन आयोगको आचारसंहिता उल्लंघन गर्दै अध्यक्ष कालाखेती मकवानपुर क्षेत्र नम्बर–२ को (ख) मा नेपाली कांग्रेसका उम्मेदवार इन्द्रबहादुर बानियाँको चुनावी प्रचारमा हिँडेका हुन् ।
अध्यक्ष कालाखेती आचारसंहिता विपरित बिहान देखि बेलुकासम्म बानियाँको चुनावी प्रचारमा हिँडेका हुन् ।
कालाखेती विशेषगरी गाउँपालिकाको हाँडीखोला र मनहरी क्षेत्रको चुनावी प्रचार प्रसार हिँडेको स्थानीयले जानकारी दिएका छन् ।
निर्वाचन आयोगले स्थानीय तहका जनप्रतिनिधिले आफू निर्वाचित स्थानीय तहमा कुनै पनि दलको उम्मेदवारको पक्षमा प्रचारप्रसार गर्न नपाउने जनाएको छ ।
निर्वाचन आचारसंहिता उल्लंघन गर्दै चुनाव प्रचार प्रसारमा स्थानीय तहका पदाधिकारी लागेको पाइएमा कारबाही हुने आयोगले जनाएको छ ।खवर ब्रेक वाट
