हरिवन : सर्लाहीको हरिवनमा नेपाल कम्युनिस्ट पार्टी (एकिकृत समाजवादी)को बिभिन्न १६ जनबर्गिय संगठन सम्मिलित बैठक बसेको छ ।
शुक्रवार हरिवनबजारस्थित भेटघाट होटलमा मोर्चा घटक बैठक बसेको हो । पार्टी नेता उत्तर कुमार मैनालीको अध्यक्षता एवं स्थायी कमिटि सदस्य लक्ष्मण पौडेलको प्रमुख आतिथ्यतामा बसेको बैठकमा पार्टी सम्बद्ध बिभिन्न १६ ओटा जनबर्गिय संगठनका अध्यक्षहरुको सहभागीता रहेको थियो । बैठकमा पार्टीको संगठन सुदृढिकरण, सदस्यता अद्यावधिक गर्ने, आगामि साताको कार्यक्रम लगाएतका बिषयमा गम्भिरतापुर्वक छलफल गरेको भएको छ ।
बैठकमा पार्टीको केन्द्रिय सदस्य एवं मधेश प्रदेशसभा सांसद बेची लंगेली, पार्टीको सर्लाही जिल्ला अध्यक्ष सुरेन्द्र लामा लगाएतका नेताहरुले पार्टी स्थापना भएको १६ महिनामात्रै भएको र पार्टीलाई अझ बलियो बनाउँदै शसक्त रुपमा अघि बढाउन थुप्रै कामहरु गर्न बाँकी रहेको धारणा राखेका थिए ।
बैठकमा आफ्नो भनाई राख्दै स्थायी कमिटि सदस्य एवं प्रमुख अतिथी लक्ष्मण पौडेलले पार्टीलाई बलियो बनाउने सवालमा सबैको भुमिका उत्तिकै महत्वपुर्ण रहेको बताउनुभएको थियो । उहाँले पार्टीका नेताहरु जिम्मेवार बन्दै संगठन सुदृढिकरणमा लाग्नुको बिकल्प नरहेको र नेताहरुले ईमान्दारिता र नैतिकताका साथ काम गर्नुपर्नेमा जोड दिनुभयो ।
जनताको मुद्दालाई लिएर अग्र मोर्चामा निस्कने जनबर्गिय संगठन र तिनका नेतालाई आफुले साथ दिने बताउँदै पौडेलले हिम्मतका साथ नेताहरुलाई अगाडि बढ्न आग्रहन गर्नुभयो ।
