लालबन्दी : सर्लाहीको लालबन्दी १५ कटहरबोट गाउँमा बिहिबार लायन्स क्लवले फाईबर सिरक वितरण गरेको छ ।
बिपन्न आदिवासि थामि समुदायलाई लायन्स क्लब सेन्चुरीका सचिव बिक्रम खड्काको बिशेष पहलमा सिरक बाँडिएको हो । त्यहाँका २१ घरधुरीलाई सिरक प्रदान गरिएको सचिव खड्काले बताए । त्यहाँ लामो समयदेखि स्पाइनल कर्डको क्यान्सर भएर उपचारको अभावमा थलिएका भोज बहादुर वाईबालाईसमेत क्लवले सिरक प्रदान गरेको छ । अशक्त एवं अत्यन्त बिपन्न वाईबा उपचार खर्चको अभावमा लामो समयदेखि थलिएर बसेका छन ।
क्लवले बिहिवार मात्रै १२० घरधुरी बिपन्न परिवारलाई सिरक वितरण गरेको हो । लायन्स क्लव अफ लालबन्दी सिटि र सेन्चुरीले संयुक्त रुपमा लालबन्दीको वडा नम्बर ५, ६, ७, ८, १३ र १५ मा चिसोबाट अतिप्रभावित विपन्न परिवारलाई सिरक वितरण गरेको सचिव खड्काले बताए ।
लायन्सको जोन चियर पर्सन गोपाल बहादुर श्रेष्ठको अध्यक्षतामा पाष्ट प्रेसिडेन्ट शाकार शर्मा, वर्तमान प्रेसिडेन्ट सुशील दाहाल, सिटीका प्रेसिडेन्ट चिरन्जीवी खतिवडालगायत लायन्स क्लबका पदाधिकारीको उपस्थितिमा विपन्नलाई फाईबर सिरक वितरण गरिएको हो ।
https://www.youtube.com/watch?v=N3KRYQBcdyc&t=8s
