घोषणापत्रमा जलवायु परिवर्तन : पहिलोपल्ट स्पष्ट प्रतिबद्धता

तपाईंलाई लाग्ला दलहरूका चुनावी घोषणापत्रले सर्वसाधारण मात्र नभई विज्ञहरूलाई पनि छुन छाडेको जुगौं भइसक्यो । तर यसै हप्ता इजिप्टमा सुरु भएको जलवायु परिवर्तनसम्बन्धी विश्व सम्मेलन (कोप २७) मा सहभागी हुने सरकारी टोलीकै एक सदस्यका रूपमा सामएलसेख पुगिसकेका जलवायु परिवर्तन विज्ञ विमल रेग्मीले सम्मेलनको चटारोमाझ मुख्य पार्टीका घोषणापत्र आद्योपान्त पढे ।

पार्टीहरूले चुनावी वाचा पूरा गर्छन् भन्ने विश्वास त उनलाई पनि छैन, तर पनि उनलाई समय खेर गएजस्तो लागेन ।

‘जलवायु परिवर्तनले उत्साहजनक भन्न नमिले पनि सन्तोषजनक ठाउँ पाएछ’ सामएलसेखबाट टेलिफोन कुराकानीमा रेग्मीले भने, ‘पहिला जलवायु परिवर्तन वा जलवायु शब्दै भेट्न मुश्किल हुन्थ्यो, वातावरण वा यस्तै केही शीर्षकमा जलवायुका मुद्दाको खिचडी पकाइन्थ्यो । अहिले चाहिं जलवायु परिवर्तनको समस्यालाई स्पष्ट रूपमा पहिचान गरिएको छ ।’

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0

प्रतिक्रिया

error: Alert: Content selection is disabled!!