- भक्ती रिजाल, हरिवन ।
इसाई धर्मावलम्बीहरुको महान पर्व ‘क्रिस्मस डे’ को अबसर पारेर सर्लाहीमा पनि विभिन्न कार्यक्रम गर्ने तयारी भइरहेको बताइएको छ ।
हरिवन नगरपालिका वडा नम्बर १० ताइवान टोलमा रहेको बिलिभर्स इस्टर्न चर्चले ‘क्रिस्मस डे’ को अबसर पारेर विशेष सांस्कृतिक कार्यक्रम गर्ने तयारी गरेको चर्चका पास्टर बिष्णु राइले जानकारी दिए । संसारभरि मनाइने ‘क्रिस्मस डे’ को अबसरमा शान्ति र प्रेमको सन्देश सबैमा पुगोस् भनी प्रभु यसु खृष्टसंग प्रार्थना गरिएको अनन्त जीवन बस्ती बिकास चर्चका पास्टर जयराज चौलागाईंको भनाइ छ ।
‘समस्त प्राणीको हितमा हाम्रो प्रार्थना रहने छ । हामी कसैप्रति भेदभाब गर्दैनौ, यो धर्तीमा सबैको कल्याण होस् भन्ने हाम्रो कामना हो ।’ चौलागाईंले भने ।
हरिवन नगरपालिकाभित्र रहेका १२ वटै चर्चमा ‘क्रिस्मस डे’ को अबसरमा प्रार्थना संगै सास्कृतिक कार्यक्रम गरिने पास्टर चौलागाईंको भनाइ रहेको छ ।
सोमबार भव्यताका साथ विश्वभरका इसाई धर्मका अनुयायीहरुले सौहार्दता र खुसियालीको चाड ‘क्रिसमस डे’ मनाउँदै छन । क्रिसमसका अवशरमा नेपाल सरकारले सार्वजनिक विदा दिएको छ भने सम्भवतः सोमबार विश्वका धेरै देशमा सार्वजनिक विदा दिईएको छ ।
