क्षितिज विश्वकर्मा, लालबन्दी । सर्लाहीको लालबन्दीमा सोमबार भएको रक्तदान कार्यक्रमलाई सफल पार्न सहयोग गर्ने सबैलाई लालबन्दी नगरपालिकाले धन्यवाद ज्ञापन गरेको छ ।
नगरपालिकाको आयोजनामा सोमबार बिहानदेखि लालबन्दी बजारमा रगतदान कार्यक्रम भएको थियो । कार्यक्रमलाई जेसिज, लायन्स क्लव अफ लालबन्दी र सेन्चुरीसहित अन्य बिभिन्न ब्यक्ति तथा संस्थाले सहयोग गरेका थिए ।
मंगलबार दिउँसो नगरपालिकाले एक बिज्ञप्ति जारी गर्दै कार्यक्रम सफल बनाउन सहयोग गर्ने संघ संस्था तथा ब्यक्तिहरुलाई धन्यवाद ज्ञापन गरेको हो । उसले आगामि दिनमा नगरपालिका गर्ने मानवहितको काममा निरन्तर सहयोग पाईने अपेक्षा गरेको समेत बिज्ञप्तिमा उल्लेख गरेको छ ।
रक्तदान कार्यक्रममा ८८ जनाले रगत दान गरेका थिए । निजामति सेवा दिवश २०८० को पूर्व सन्ध्यामा नेपाल रेडक्रस सोसाईटि धनुषाले संचालन गरेको रक्तसंचार केन्द्र जनकपुरको प्राबिधिक सहयोगमा गरिएको कार्यक्रममा ७२ जना पुरुष र १६ जना महिलाले रगत दान गरेका थिए ।
