सर्लाहीका डिएसपी कैलास राईको सरुवा

लालबन्दी । जिल्ला प्रहरी कार्यालय सर्लाहीमा कार्यरत प्रहरी नायब उपरीक्षक (डिएसपी) कैलास राईको सरुवा भएको छ ।

नेपाल प्रहरी प्रधान कार्यालयले शुक्रवार एक सय २० जना प्रहरी नायब उपरीक्षक (डिएसपी) हरूको सरुवा गर्दा राईको पनि नाम आएको हो । प्रहरी प्रधान कार्यालयले आज सरुवाको निर्णय सहित नामावली प्रकाशन गरेको ।

राईलाई नेपाल प्रहरी प्रधान कार्यालय विशेष ब्युरो उपत्यका सेक्टर नक्साल काठमाण्डौँ पठाईएको छ । उनको ठाउँमा नेपाल प्रहरी विपद् ब्यवस्थापन कार्यालय बिपद् अभिलेख तथा विश्लेषण शाखा सामाखुसि काठमाण्डौँबाट दिपेन्द्र पंजियार थारु आउने भएका छन ।