लालबन्दी : सर्लाहीको धनकौलमा भारतिय मोटरसाईकल दुर्घटना हुँदा एक भारतिय नागरिकको मृत्यु भएको छ । अर्का एक नेपाली घाईते भएका छन ।
सोमबार राति साँडे १० बजेको समयमा धनकौल गाउँपालिका ५ स्थित छठिघाट पुलमा बरहथवाबाट मधुवनीतर्फ जाँदै गरेको बिआर ३० जेट ४८७४ नम्बरको मोटरसाईकल दुर्घटना भएको थियो । दुर्घटनामा परि मोटरसाईकल चालक भारतको सितामाढि जिल्ला ग्राम पंचायत बहेरा सिजवा बस्ने बर्ष ४० का मुकेश राय यादवको मृत्यु भएको हो । टाउकोमा चोट लागी गम्भिर घाईते भएका यादवलाई उपचारका लागी संजिवनी अस्पताल बरहथवामा लगीएकोमा चिकित्सकले मृत घोषणा गरेका जिल्ला प्रहरी कार्यालय सर्लाहीका प्रवक्ता डिएसपी बिजय यादवले बताउनुभयो ।
दुर्घटनामा मोटरसाईकल पछाडी सवार बलरा नगरपालिका ५ अर्नाहा बस्ने बर्ष २४ का संजय यादव घाईते भएका छन । उनको टाउको र अनुहारमा चोट लागेको र २ ओटा दाँत भाँच्चिएको छ । उनलाई उपचारका लागी बाराको एल.एस.न्युरोमा पठाईएको छ ।
मोटरसाईकल आफै अनियन्त्रीत भएर दुर्घटना भएको देखिएको प्रहरीले जनाएको छ । मोटरसाईकललाई प्रहरीले नियन्त्रणमा लिएर शवलाई पोष्टमार्टमका लागी प्रादेशिक अस्पताल मलंगवामा राखिएको छ ।
