बागमति, असार ५ : सर्लाहीको बागमतिमा यात्रुवाहक बस र मिनि ट्रक एक आपसमा ठोक्किँदा ६ जना घाईते भएका छन । मंगलवार दिउँसो बागमति १ राईखोला पुल नजिक पुर्वबाट पश्चिमतर्फ जाँदै गरेको बस र बिपरित दिशाबाट आईरहेको ट्रक एक आपसमा ठोक्किएका थिए ।
दुर्घटनामा परि नुवाकोट ककनी ५ का बर्ष ३६ का श्याम बहादुर बलामी, बस चालक सुनसरी ईटहरी उपमहानगरपालिका ७ का बर्ष ४२ का शम्भु राउत, बसका सहचालक बर्ष ४८ का थिरराज दाहाल र बर्ष ५३ कि मन्जु सुवेदी र बर्ष २३ को भारतिय नागरिक अजय राम घाईते भएका छन । को१ख ५२३९ नम्बरको बस र बा५ख ५६६५ नम्बरको मिनि ट्रक एक आपसमा ठोक्किएको हो ।
पुर्व पश्चिम राजमार्गमा सवारी दुर्घटना हुँदा केहि बेर यातायात अवरुद्ध भएको जिल्ला ट्राफिक प्रहरी कार्यालय सर्लाहीका प्रमुख लेखनाथ मैनालीले जानकारी दिनुभयो । घाईतेहरुको स्वाभिमान अस्पताल हरिवन र मोडेल हस्पिटल बागमतिमा उपचार गरिएको छ ।
