लालबन्दी : सर्लाही १ मा राम प्रकाश चौधरी बिजयी हुनु भएको छ । उहाँ सत्तारुढ बाम लोकतान्त्रीक गठबन्धनका साझा उम्मेदवार हुनुहुन्थ्यो । उहाँले एमालेबाट टिकट नपाएपछि स्वतन्त्र उम्मेदवारी दिएका लालबन्दी नगरपालिकाका निवर्तमान मेयर मान बहादुर खड्कालाई पराजित गर्नु भएको हो ।
नेपाल प्रहरीका पुर्व प्रहरी निरिक्षक समेत रहनुभएका चौधरीले लोकतान्त्रीक समाजवादी पार्टी (लोसपा)बाट प्रतिनिधिसभा तर्फको चुनाव लड्नुभएको थियो । चौधरीले २४ हजार ८३८ मत पाउँदा खड्काले १८ हजार ४०४ मत प्राप्त गर्नुभएको थियो । चौधरीले खड्काभन्दा ६ हजार ४३४ बढि मत ल्याएर प्रतिनिधिसभा सांसदमा निर्वाचित हुनु भएको हो ।
सर्लाही १ बाट प्रतिनिधिसभातर्फ चौधरीसहित १० जना चुनावि मैदानमा थिए । तेश्रोमा रहनुभएका नेकपा एमालेसँगको गठबन्धनका जनता समाजवादी पार्टी नेपाल (जसपा) नेता, सोहि क्षेत्रका निवर्तमान सांसदसमेत रहनुभएका प्रमोद साहले १४ हजार २५५ मत प्राप्त गर्नुभएको छ ।
