लालबन्दी : सर्लाहीको लालबन्दी नगरपालिका जिल्लामै कम बेरुजु आउने पालिका बनेको छ ।
महालेखा परीक्षकको ६० औँ वार्षिक प्रतिवेदन,२०७९ मा आर्थिक बर्ष २०७८/०७९ को अन्तिम लेखापरिक्षण प्रतिवेदन अनुसार लालबन्दी कम बेरुजु भएको जिल्लामै पहिलो पालिका बनेको हो । सबै भन्दा कम बेरुजु आउने स्थानीय तहहरुमध्ये लालबन्दी नगरपालिका मधेश प्रदेशकै नगरपालिकाहरुमध्ये तथा सर्लाही जिल्लाको स्थानीय तहहरुमध्ये प्रथम र मधेश प्रदेशकै समग्र स्थानीय तहहरुमा दोस्रो कम बेरुजु आउने पालिका भएको छ ।
मधेश प्रदेशमै सबभन्दा कम बेरुजु प्रतिशत आउने पालिका परवानीपुर गाउँपालिका बारा रहेको छ । परवानीपुर गाउँपालिकाले मधेश प्रदेशकै पालिकाहरु मध्ये कम बेरुजु प्रतिशत ०.९९ ल्याएको महालेखा परीक्षकको ६० औँ वार्षिक प्रतिवेदनमा उल्लेख छ । लालबन्दी नगरपालिकाको भने मधेश प्रदेशका सवै पालिका मध्य बेरुजु प्रतिशत १.२२ प्रतिशत रहेको छ ।
त्यस्तै कञ्चनरुप नगरपालिकाको १.७४ प्रतिशत बेरुजु प्रतिशत रहेको महालेखा परीक्षकको ६० औँ वार्षिक प्रतिवेदनमा उल्लेख छ । महालेखा परीक्षकको ६० औँ वार्षिक प्रतिवेदन, २०७९ आ.ब. २०७८/०७९ को अन्तिम लेखापरिक्षण प्रतिवेदनमा उक्त तथ्य उल्लेख गरिएको हो ।
