हरिवनमा २ दिने ‘युवा नेतृत्व विकास तालिम’ सम्पन्न

लालबन्दी । सर्लाहीको हरिवनमा २ दिने ‘युवा नेतृत्व विकास तालिम’ सम्पन्न भएको छ । वडा नम्बर २ मा रहेको सिर्जनशिल युवा क्लबले तालिमको आयोजना गरेको हो । जसमा वडा नम्बर २, ४ र ५ का १६ देखि २५ बर्ष उमेर समुहका २४ जना युवाहरुको सहभागीता रहेको थियो ।

युरोपियन युनियनको आर्थिक सहयोग, हेल्भेटास नेपालसँगको साझेदारी तथा हरिवन नगरपालिकाको सहकार्यमा सहयोगी समाज नेपाल, सर्लाहीले संचालन गरिरहेको स्थानीय शासन प्रकृयामा युवा संलग्नता प्रवर्धन (प्रोयेल) परियोजना अन्तर्गत क्लवले तालिमको आयोजना गरेको क्लबका अध्यक्ष सन्तोषकुमार महतोले जानकारी दिए । ‘स्थानीय शासनमा युवा नेतृत्व’ उप–परियोजना अन्तर्गत यहि माघ १४ र १५ गते २ दिने तालिम सञ्चालन गरिएको हो ।

महेन्द्र महतोले प्रशिक्षण दिनुभएको तालिम समापन कार्यक्रममा वडा नम्बर २ का वडाध्यक्ष अर्जुन योञ्जन, स्थानीय शासन प्रकृयामा युवा संलग्नता प्रबद्र्धन परियोजना मधेस प्रदेश संयोजक निरमा चौधरी लगाएतको सहभागीता रहेको थियो । कार्यक्रमलाई सम्बोधन गर्दै कार्यक्रमको प्रमुख अतिथीसमेत रहेका वडाध्यक्ष योञ्जनले हरिवन नगरपालिकालाई युवा मैत्री पालिका बनाउनको निम्ति प्रयास भईरहेको बताएका थिए । नगरसभामार्फत निति नै निर्माण गरि युवाहरूको सृजनशीलता, नेतृत्व विकास लगाएतका बिषयहरु समेट्न आफुहरु प्रतिबद्ध रहेको वडाध्यक्ष योञ्जनको भनाई थियो ।

कार्यक्रमको संयोजन गायत्री परियार (अस्मिता)ले गर्नुभएको थियो ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0

प्रतिक्रिया

error: Alert: Content selection is disabled!!