हरिवन, असार १७ : लायन्स अन्तर्राष्ट्रियको सप्ताहव्यापी सामाजिक सेवा कार्यक्रमअन्तर्गत सर्लाहीको हरिवनस्थित लायन्स क्लब काठमाडौं-सर्लाहीले तीनवटा कार्यक्रम सम्पन्न गरेको छ।

यस अवसरमा बाँदरलाई आहारा खुवाउने तथा वन्यजन्तु संरक्षणमा योगदान गर्नेलाई सम्मान, गुम्बा सफाई र पिउने पानी वितरण गरिएको क्लबका अध्यक्ष चूडामणि वाग्लेले जानकारी दिए।

सर्लाहीका मूर्तिया जंगलमा बाँदरलाई आहारा खुवाउनुका साथै वन्यजन्तुलाई माया गर्ने र पटकपटक खाना खुवाउने पूर्वप्रदेश सांसद तथा नेकपा एकीकृत समाजवादीका नेता डिल्लीप्रसाद उप्रेती, हरिवन उद्योग वाणिज्य संघका उपाध्यक्ष कृष्ण प्रसाद श्रेष्ठ र व्यवसायी शिवकृष्ण महाजुलाई प्रंशसा पत्रसहित सम्मान गरिएको क्लबले जनाएको छ।

पूर्व रक्षामन्त्री एवं प्रतिनिधिसभा सदस्य हरिप्रसाद उप्रेतीले एक कार्यक्रमका बीच शनिबार उनीहरुलाई सम्मान गरेका हुन्।

कार्यक्रममा बोल्दै उप्रेतीले बाँदरसहित वन्यजन्तु संरक्षण गर्ने कार्यले पर्यावरण संरक्षणमा महत्त्वपूर्ण भूमिका खेल्न बताए। यस क्रममा उनले कार्यक्रमको महत्त्व नै नबुझी बाँदरलाई आहारा खुवाउनेलाई सम्मान गरेछन् भनेर खिसीट्युरी नगर्नसमेत अनुरोध गरे।

कार्यक्रममा पूर्वप्रदेश सांसद डिल्लीप्रसाद उप्रेतीले आफूले अहिलेसम्म बाँदरहरुलाई करिब १ लाख बराबरको आहारा खुवाएको जानकारी दिए।

कार्यक्रममा हरिवन नगरपालिकाकी उपप्रमुख हरिमाया घलानसहित क्लबका पदाधिकारी र सदस्यहरुको उपस्थिति थियो।

एक वर्षअघि हरिवनमा स्थापना भएको क्लबले विभिन्न रचनात्मक काम गरिरहेको छ।

यसबीच क्लबले बागमती नगरपालिकाको धरहरामा रहेको ज्याङछुक छोइलिङ गुम्बामा सरसफाइ गरेको छ। क्लबले नयाँरोडमा यात्रुवाहक सवारीसाधनमा पिउने पानी वितरण पनि गरेको छ । नेपाल खबर

लालबन्दी, असार १६ : सर्लाहीको लालबन्दीमा शनिवार चित्रकला र हस्तलेखन प्रतियोगीता सम्पन्न भएको छ ।

राष्ट्रिय निजी तथा आवासीय विद्यालय एशोसिएसन नेपाल (एन. प्याब्सन) सर्लाहीको आयोजनामा जिल्लाका एन.प्याब्सनमा आवद्ध २२ ओटा बोर्डिङ स्कुलको सहभागीतामा कार्यक्रम भएको हो । एन. प्याब्सन सर्लाहीका उपाध्यक्ष श्रीलाल क्याप्छाकी मगरको अध्यक्षता तथा मधेश प्रदेश अध्यक्ष डा. नन्दन यादवको प्रमुख आतिथ्यतामा कार्यक्रम भएको हो ।

वडा नम्बर ६ मा रहेको कम्युनिटि वेलफेयर ईंलिस स्कुलको हलमा सम्पन्न प्रतियोगीताको अंगे्रजी हस्तलेखन (ईंगलिस ह्याण्डराईटिङ) तर्फ राजदेवी ईंगलिस स्कुल पत्थरकोटका धिरज झा प्रथम भएका छन । त्यसैगरि क्याम्बरवेल एकेडेमि डाँडाटोल लालबन्दीका आकाश शर्मा दोश्रो र रोज गार्डेन मलंगवाका लक्कि यादव तेश्रो भए । नेपाली हस्तलेखनतर्फ कम्युनिटि वेलफेयरका अन्जितेस झा प्रथम, मोर्निङ स्टारकी प्रज्वला चौधरी द्वितिय र क्याम्बरवेलका अमित झा तृतिए भएका राजदेवी ईंलिस स्कुलका संचालक रबिन श्रेष्ठले जानकारी दिनुभयो ।

प्रतियोगीतामा सहभागी बिद्यार्थीहरु

चित्रकलातर्फ पनि कम्युनिटि वेलफेयरकी पुजा ठाकुर प्रथम भएकी छिन । त्यस्तै ब्ल्यु स्काई एकेडेमि मलंगवाका सुजित यादव दोश्रो र बुद्ध एकेडेमिका प्रज्ञान गोले तेश्रो भए । प्रतियोगीतामा बिजयी बिद्यार्थीहरुलाई शिल्ड, मेडल र प्रमाणपत्र प्रदान गरिएको थियो । प्रतियोगीताको निर्णायकमा हस्तलेखनतर्फ डुकेन्द्र प्रसाद पौडेल र चित्रकलातर्फ चित्रकार रुपेश चौधरी रहनुभएको थियो ।

युवराज भुजेल अध्यक्ष रहेको एन.प्याब्सनमा जिल्लाका ८० ओटा बोर्डिङ स्कुल आवद्ध छन ।

बागमति, असार ८ : बैदेशिक रोजगारीका क्रममा हुने ठगी नियन्त्रण सम्बन्धमा सर्लाहीको बागतीमा अन्तरकृया गरिएको छ । बैदेशिक रोजगारीबाट फर्किएका महिलाहरुद्वारा स्थापित ‘पौरखि नेपाल’ नामक गैर सरकारी संस्थाको आयोजनामा बागमतिस्थित सिता प्यालेस होटलमा कार्यक्रम गरिएको हो ।

कार्यक्रममा विभिन्न उस्तै प्रकृतिका तथा सरोकार राख्ने निकायका प्रमुख एवं प्रतिनिधिहरुसँग अन्तरकृया गरिएको संस्थाका विजय लामाले बताउनुभयो । कार्यक्रममा सहभागिहरुलाई पौरखी नेपालकी संस्थापक एवं अध्यक्ष सत्र कुमारी गुरुङ, पुर्व अध्यक्ष एवं हाल रणनीतिक सल्लाहकार मन्जु गुरुङ र कार्यक्रम संयोजक मनिस केसिले सुन्य लागतमा बैदेशिक रोगजगारीमा जाने प्रकृया र ब्यवस्थाको बिषयमा जानकारी गराउनुभएको थियो ।

अन्तरकृयाका बिच इसरा संस्थाले संचालन गरेको मोबाईल एप्स नेपालमा ‘उज्वल सपना’ र अन्य देशमा ‘गोल्डेन ड्रिम्स’को बिषयमा समेत जानकारी गराईएको थियो । सहभागिहरुबाट मोबाईल एप्स ‘उज्जल सपना’ को बिषयमा उठेका प्रश्नको जवाफ दिँदै एप्स प्रयोग गर्ने तरिका र फाईदाको बारेमा बताईएको थियो । बैदेशिक रोजगारमा जान चाहनेहरुको लागि बहुउपयोगी सो एप्सको विषयमा सहभागीले सकारात्मक प्रतिकृया दिएका थिए । सो एप्सको माध्यमबाट बैदेशिक रोजगारीमा जान चाहनेले अवसर, भिजा आवेदन, कुनै किसिमको ठगी लगाएतको उजुरीसगैँ मेनपावर र रोजगार दाताको विषयमा समेत सजिलै जानकारी लिन पाउनेछन ।

बागमती नगरपालिकालाई लक्षित गरेर संचालन गरिएको यस कार्यक्रममा बागमती नगरपालिकाकी उपमेयर लिला कुमारी मोक्तान, ईलाका प्रशासन कार्यलय हरिवनका टेष्टराज भण्डारी, बागमती नगरपालिका रोजगार शाखा संयोजक निलम कुशवाह, बागमती सेवासमाजका प्रमेश वादे लगाएत विभिन्न कार्यलयका प्रतिनिधि र संचारकर्मीहरुको समेत सहभागिता रहेको थियो ।

अन्तरकृया पश्चात कैद गरिएको सामुहिक तश्वीर/क्षितिज विश्वकर्मा

हाल २१ जिल्लामा शाखा सेवा बिस्तार गरेको पौरखिले ७७ ओटै जिल्लामा सेवा पु¥याउँदै आएको र अहिले रुपन्देहि र सर्लाही जिल्लामा कार्यक्रम संचालन भईरहेको जानकारी अध्यक्ष गुरुङले दिनुभयो ।

सर्लाही, असार ९ : सर्लाहीको लालबन्दीमा कृषि पत्रकारिता सम्बन्धि २ दिने अभिमुखिकरण कार्यक्रम सम्पन्न भएको छ । आमसंचार प्रधिकरण जनकपुरधामकोआयोजना तथा नेपाल पत्रकार महासंघ शाखा सर्लाहीको समन्वयमा लालबन्दीको नमस्ते होटेलमा शुक्रबार र शनिबार कार्यक्रम भएको हो ।

कार्यक्रममा सहभागी पत्रकारहरुलाई मधेस प्रदेशमा कृषि पत्रकारिताको अवस्था, कृषिमा संचार माध्यमले उठाउनु पर्ने विषय, कृषि पत्रकारिताको महत्त्व र उपयोगीता, मधेस प्रदेशमा प्रमुख खाद्यान्न बाली र उत्पादनको अवस्थाको साथै कृषि उत्पादनका चुनौती र सम्बोधनका उपाय तथा कृषि पत्रकारिता गर्दा ध्यान दिनुपर्ने कुरा र विषयबस्तु लगायतका विषयहरुमा प्रशिक्षण दिएको आमसंचार प्राधिकरण मधेस प्रदेशका अध्यक्ष श्याम सुन्दर यादवले बताउनुभयो । सर्लाही सहित सप्तरी, महोत्तरी, धनुषा लगायतका जिल्लाबाट सहभागी भएका प्रशिक्षार्थीहरुलाई कृषि पत्रकारहरुको संस्था अनाजका केन्द्रीय अध्यक्ष किरण आचार्यले प्रशिक्षण दिनुभएको थियो ।

शनिबार अपरान्ह सम्पन्न समापन कार्यक्रममा मिडिया काउन्सिलका कार्यवाहक अध्यक्ष कैलाश दास, प्राधिकरणका प्रशासकीय प्रमुख उपेन्द्र कुमार सिंह, बन्धना झा, पत्रकार महासंघ सर्लाहीका अध्यक्ष टंक बहादुर क्षेत्री, पुर्व अध्यक्ष रोशन न्यौपाने लगायतकाको उपस्थिति रहेको थियो ।

कार्यक्रममा भुमि व्यवस्था तथा कृषि सहकारी मन्त्रालयका प्रदेश सचिव डा. नर्मता सिंहले कृषि क्षेत्रमा भए गरेका अनुसन्धान र उपलब्धिहरुलाई किसानमाझ पुर्‍याउन सञ्चारमाध्यमहरु निकै उपयोगी हुने बताउँदै कृषि बिटमा पत्रकारिता गर्न सुझाव दिनुभएको थियो ।

२ दिने अभिमुखिकरण कार्यक्रम सहभागीहरुलाई प्रमाणपत्र प्रदान गर्दै समापन गरिएको थियो ।

लालबन्दी, असार ५ : सर्लाहीको लालबन्दीमा मंगलबार बिहान छुवाछूत विरुद्धको चेतनामूलक सडक नाटक प्रदर्शन गरिएको छ ।

शिक्षा तथा समाज कल्याण मन्त्रालय, दलित विकास समितिको कार्यालय मधेस प्रदेशको आयोजना र विजय लक्ष्मी मीडिया फाउन्डेसनको सहकार्य एवं प्रस्तुतिमा लालबन्दीस्थित राधा कृष्ण मन्दिर परिसर डुमडुमेमा नाटक प्रदर्शन गरिएको हो ।

नाटकमार्फत कलाकारहरुले छुवाछूतको अन्त्य गरौँ, सभ्य समाजको निर्माण गरौँ भन्ने शन्देस प्रदान गरेका आयोजकले जनाएका छन ।

मलंगवा : सर्लाहीको पर्सा गाउँपालिकाले लागु औषध तथा दुब्र्यसनीमुक्त पालिका निर्माणका निम्ति बिभिन्न कार्यक्रम तथा निति निर्माण गर्ने भएको छ । पालिकाले ११ दिने अभियानको थालनी गर्दै बिहिवार एक दिने अभिमुखिकरण कार्यक्रम गरेको छ ।

देशको वर्तमान अवस्था र भारतसँग खुला सिमा जोडिएका मधेशका जिल्लाहरुलाई लक्षित गर्दै आफ्नो पालिकालाई लागुऔषध तथा दुब्र्यसनी मुक्त पालिका निर्माणका निम्ति अभियान थालिएको गाउँपालिका अध्यक्ष धिरेन्द्र कुमार यादवले बताउनुभयो । अभियान अन्तर्गत लागु औषध तथा र्दुव्यसनी तथा ट्राफिक नियमका सम्बन्धमा जनप्रतिनिधी, विभिन्न विद्यालयको प्रधानाध्यापक, विभिन्न प्रहरी चौकिका प्रमुख, स्वास्थ्यकर्मी, पत्रकारहरुसँग बिहिवार अन्तरक्रिया गरिएको थियो ।

११ दिनसम्म स्थानीयसहित अन्य सरोकारवालाहरुलाई यस्तै किसिमको अभिमुखीकरण प्रदान गरिने पर्सा गाउँपालिकाले जनाएको छ । लागूऔषध दुव्र्यसनी नियन्त्रणका लागि गाउँपालिकाले ५ सदस्यीय कमिटी गठन गरेको छ । जसले प्रत्येक टोल, बस्तीमा लागूऔषध दुव्र्यसनीमुक्त पालिका बनाउन अभियान संचालन गर्ने छ । गाउँपालिका अध्यक्ष रायका अनुसार दुव्र्यसनीकर्तालाई मनोपरामर्शकर्ता परिचालन गरेर दुव्र्यसनीको कूलतबाट मुक्त बनाउने प्रयास समेत हुने छ ।

अभियान अन्तर्गत सशस्त्र प्रहरी बेस क्याम्प संग्रामपुरका इन्चार्ज र प्रहरी चौकी पर्साका इन्चार्जले लागूऔषध दुव्र्यसनी तथा ट्राफिक नियमका बारेमा सचेतनामुलक प्रशिक्षण समेत प्रदान गर्ने कार्यक्रम रहेको छ ।

काठमाडौँ : देशभरका विभिन्न शिक्षालयका कर्मचारीहरु आन्दोलनमा छन् । नेपाल विद्यालय कर्मचारी परिषद्को अगुवाईमा काठमाडौंको माइतीघर मण्डलमा आइतबार उनीहरुले प्रदर्शन गरेका छन् ।

सहभागीले थाल, घन्टी लगायतका भाँडाकुडा ठटाउँदै नाराबाजी गरेका थिए । परिषद् आवद्ध कर्माचारीहरु सेवा सुविधा वृद्धिलगायत माग राखि केही सातादेखि आन्दोलन गर्दै आएका छन् । विद्यालयका शिक्षकहरु पनि उनीहरुलाई साथ दिँदै आन्दोलनमामा सहभागी थिए ।

लालबन्दी । मधेश प्रदेशसभा सांसद बेची लुंगेलीले १२/१३ बर्षदेखि १७/१८ बर्ष उमेर समुहकालाई जे देख्यो त्यहि मन पर्ने हुँदा बाटो बिराउने सम्भावना बढि हुने बताउनुभएको छ ।

सर्लाहीको लालबन्दीमा रहेको कम्युनिटि ईंग्लिस बोर्डिङ स्कुलमा हेल्पिङ होमले आयोजना गरेको एक कार्यक्रममा बोल्दै सांसद लुंगेलीले सहि दिशा निर्देश गर्न नसके किशोर अवस्थाका केटा केटि दुब्र्यसनीमा लाग्ने खतरा धेरै हुने बताउनुभएको हो । लालबन्दी नगरपालिका ९ मा रहेको सुधार केन्द्र हेल्पिङ होमले वडा नम्बर ६ मा रहेको स्कुलमा लागुऔषध तथा एचआईभि र एड्स सम्बन्धि जनचेतना मुलक कार्यक्रमको आयोजना गरेको थियो ।

समुदाय प्रहरी साझेदारी कार्यक्रम अन्तर्गत ईलाका प्रहरी कार्यालय लालबन्दीसँगको सहकार्यमा हेल्पिङ होमले गरेको कार्यक्रममा कम्युनिटि स्कुलका ९ र १० मा अध्ययन गर्ने करिव ८० जना बिद्यार्थीको सहभागीता रहेको थियो ।

स्कुलका प्रिन्सिपल सुदिप कार्किको ब्यवस्थापनमा ईलाका प्रकरी कार्यालयका बरिष्ट सई जितेन्द्र चौधरी र हेल्पिङ होमका बिक्रम थापाले बिद्यार्थीहरुलाई लागुऔषध सम्बन्धि बिभिन्न जानकारी तथा कानुनी कुराहरुको बारेमा जानकारी गराएका थिए ।

सर्लाहीको लालबन्दीमा कृषि क्याम्पस संचालनका लागी लालबन्दी नगरपालिका र काठमाण्डौँ विश्वविद्यालयबिच समझदारि पत्रमा हस्ताक्षर भएको छ ।

शुक्रवार बालकुमारी ललितपुरस्थित स्कुल अफ म्यानेजमेन्ट परिसरमा लालबन्दी नगरप्रमुख वासुदेव अधिकारी र विश्वविद्यालयका रजिष्टार प्राध्यापक अच्युत वाग्लेले समझदारि पत्रमा हस्ताक्षर गर्नुभएको हो । सो समझदारि पत्रमा मधेश प्रदेशमा विश्वविद्यालयको कार्यक्रम विस्तारका लागी लालबन्दी नगरपालिकाले आवश्यक जग्गासहित अन्य सहयोग गर्ने र लालबन्दीमा कृषि क्याम्पस संचालनसहितका शैक्षिक कार्यक्रम संचालन र माध्यमिक तहसम्मको अध्यापनका लागी दुवै पक्ष मिलेर काम गर्ने उल्लेख छ ।

सम्झौता पत्रमा हस्ताक्षरपश्चात बोल्दै नगरप्रमुख अधिकारीले अहिलेका जनप्रतिनिधिले केहि नयाँ सुरुवात गरेर जान सके पछिल्ला दिनमा यस्ता कार्यक्रम र योजनालाई मुर्त रुप दिन सकिन्छ भन्ने लागेर नै आफुले काठमाण्डौँ विश्वविद्यालयसँग सहकार्य गरेको बताउनुभएको थियो । त्यसैगरि सम्झौता पत्र आदान प्रदान पश्चात बोल्दै विश्वविद्यालयका उपकुलपति प्राध्यापक भोला थापाले लालबन्दी नगरपालिकाले काठमाण्डौँ विश्वविद्यालयलाई मधेशमा स्थापित गराउन सहकार्य गरेकोमा खुसि ब्यक्त गर्नुभयो ।

उहाँले भर्खरै स्थापना भएको मधेश विश्वविद्यालयसँगको सहकार्यमा केहि शैक्षिक कार्यक्रम संचालनको तयारी भईरहेको अवस्थामा लालबन्दी नगरपालिकासँगको सहकार्यले अझै बिस्तारित हुने सम्भावना बलियो बनाएको र यो सम्झौतालाई सार्थक पार्नेगरि काम गर्न तयार रहेको उद्घोष गर्नुभएको थियो ।

लालबन्दी : सर्लाहीको लालबन्दीमा मेची महाकाली बुहारी संयुक्त आवाजले आयोजना गरेको महिला लक्षित उद्घोषण तालीमको मंगलबार प्रमाणपत्र वितरण गर्दैै समापन गरिएको छ ।

मेची महाकाली बुहारी संयुक्त आवाजकी सर्लाही जिल्ला संयोजक सानु पाख्रिनको अध्यक्षता तथा लालबन्दी नगर उपप्रमुख कल्पनामाया पाख्रिनको प्रमुख आतिथ्यतामा तालीमको समापन गरिएको हो । लालबन्दी नगरपालिकाको आर्थीक सहयोग तथा मेची महाकाली बुहारी संयुक्त आवाजको आयोजनामा भएको तालीम ५ दिनसम्म चलेको थियो ।

लालबन्दी नगरप्रमुख वासुदेब अधिकारीले गएको बैशाख ३० गत्ते उद्घाटन गर्नुभएको तालीममा मेची महाकाली बुहारी संयुक्त आवाजका सदस्य तथा अन्य केहिको सहभागीता रहेको थियो । तालिममा मकवानपुरबाट आएका प्रशिक्षक नवराज खनाल र पत्रकार क्षितिज विश्वकर्माले सहभागीहरुलाई मञ्चीय उद्घोषण र भाषण कलाका बिषयमा प्रशिक्षण दिनुभएको थियो । तालिम समापन कार्यक्रममा आफ्नो भनाई राख्दै प्रशिक्षार्थीहरुले आफुहरुले तालिमबाट धेरै कुरा सिक्ने अवशर पाएको बताएका थिए ।

कार्यक्रममा आफ्नो भनाई राख्दै प्रशिक्षार्थी रेणुका खड्काले आफुले तालिमबाट बोल्ने, सम्बोधन गर्ने र मञ्चमा पुगेपछि गर्नुहुने र नहुने कुराहरु सिकेको बताउनुभयो । त्यसैगरि अर्का सहभागी सुरेश श्रेष्ठले आफुले अतिथीहरुलाई कसरी क्रमसंगत ढंगबाट मञ्चमा आसन ग्रहण गराउने र कस्लाई, कतिबेला मन्तब्य राख्न बोलाउने भन्ने महत्वपुर्ण कुरा जानेको भनाई राख्नुभयो ।

कार्यक्रमलाई सम्बोधन गर्दै प्रशिक्षक क्षितिज विश्वकर्माले आफुहरुले सहभागीलाई बोल्न नभई बोल्ने तरीका र शैलिको बारेमा जानकारी गराएको बताउनुभएको थियो । उहाँले ५ दिनको कार्यक्रममा धेरै कुराको जानकारी गराउन सम्भव नभएपनि मञ्चीय उद्घोषण तथा भाषणकलाको बारेमा धेरै कुरा सिकाएको बताउनुभयो । त्यस्तै अर्का प्रशिक्षक नवराज खनालले यहाँका महिला दिदि बहिनीहरुको उत्साह र जोस देखेर आफु दंग परेको बताउनुभयो । उहाँले ५ दिनको कार्यक्रममा सिकेका कुरालाई साँच्चिकै ब्यवहारमा देखाउनका लागी धेरै भन्दा धेरै अभ्यास गर्नु जरुरी रहेको बताउनुभयो ।

कार्यक्रमलाई सम्बोधन गदै कार्यक्रमका अतिथी एवं लालबन्दी नगरपालिकाका प्रमुख प्रशासकिय अधिकृत तारानाथ लुँईंटेलले सहभागीहरुले ५ दिनमा धेरै कुरा सिकेको आफुले अनुभव गरेको भताउनुभयो । उहाँले बोल्ने मात्रै नभई मिठो बोल्ने र कसरी शालिन, सभ्य र सहि तरीकाले बोल्ने भन्ने कुरामा पनि सहभागीले ख्याल गर्नुपर्ने बताउनुभयो । कार्यक्रमका प्रमुख अतिथी एवं लालबन्दी नगरपालिकाकी उपप्रमुख कल्पनामाया पाख्रिनले महिलाहरुले आयोजना गरेको कार्यक्रम धेरै नै राम्रो भएको र आगामि दिनमा पनि नगरपालिकाको तर्फबाट यस्ता कार्यक्रमलाई सहयोग गर्ने आफ्नो चाहना रहेको बताउनुभएको थियो ।

मेची महाकाली बुहारी संयुक्त आवाजकी मधेश प्रदेश सह–संयोजक रमा काफ्लेले संयोजन गर्नुभएको तालीमको समापन कार्यक्रम तालीमकी सहभागी रिता ब्लोनले संचालन गर्नुभएको थियो भने बर्षा लामाले स्वागत मन्तब्य राख्नुभएको थियो ।

तालिममा सहभागीमध्ये उत्कृष्ट ५ जनालाई सम्मानपत्रसहित हौसला समेत प्रदान गरिएको मेची महाकाली बुहारी संयुक्त आवाजकी सर्लाही जिल्ला सचिव अम्बिका राउतले जानकारी दिनुभयो ।