क्षितिज विश्वकर्मा, लालबन्दी । कांग्रेसले मंगलबारबाट सुरु गरेको ‘समुदायमा कांग्रेस’ अभियानको लागी सर्लाही प्रतिनिध भएर आएका पार्टीका केन्द्रिय सदस्य गणेश लामाले बुधवार साँझ लालबन्दीमा पत्रकार भेटघाट गरेका छन । प्रेस युनियन सर्लाहीले आयोजना गरेको पत्रकार सम्मेलनमार्फत लामाले पत्रकारसँग समसामयीक बिषयमा छलफल गरेका हुन ।

लामाले पत्रकारसँगको भेटमा कांग्रेसबाट निर्वाचित जनप्रनिनिधिहरुले जनमुखि कामहरु गरेका छन कि छैनन्, जनताका पिर मर्कामा कांग्रेस सहभागी छ कि छैन, कांग्रेसको संगठन कस्तो छ भनेर वडा तहसम्मको जानकारी लिनका लागी ‘समुदायमा कांग्रेस’ अभियान सुरु भएको बताए । देशको पहिलो र ठुलो पार्टीले भुईं मान्छेको पनि कुरा सुन्नुपर्छ, हरेक तहका, हरेक समुदायका कुरा कांग्रेसले सुन्नुपर्छ र उनिहरुसँग मिलेर काम गर्नुपर्छ भन्ने उद्देश्यले यो अभियान सुरु भएको लामाको भनाई छ । जिल्लामा बिशेषतः निर्वाचित जनप्रतिनिधि र पार्टी तथा जनताबिच सुमधुर सम्बन्ध कायम हुन नसकेको पाईको लामाले बताए ।

जिल्लामा कांग्रेसले १२ ओटा पालिका जितेको छ, त्यसमध्ये चन्द्रनगर गाउँपालिका र हरिपुर्वा नगरपालिकामा समस्या देखिएको छ ? त्यहाँको समस्या समाधानका लागी तपाईंको भुमिका कस्तो रहला भन्ने पत्रकारको जिज्ञासामा केन्द्रिय सदस्य लामाले भने ‘जनताद्वारा चुनिएर आएका जनप्रतिनिधिलाई काम गर्न नदिने प्रपञ्च भईरहेको आफुले पाएको र त्यो समस्या समाधानका निम्ति आफुले पार्टी सभापति, महामन्त्री लगाएत सबैसँग छलफल गर्ने र डेलीगेसन गएर होस वा पार्टीबाट प्रेसर दिएर होस समस्या समाधानका निम्ति लाग्ने बताए ।

युनियका जिल्ला अध्यक्ष कृष्ण थपलियाको अध्यक्षतामा भएको पत्रकार सम्मेलनमा पार्टी केन्द्रिय सदस्य एवम् अभियानको केन्द्रीय प्रतिनिधि लामासहित बागमति प्रदेश प्रशिक्षण विभाग सदस्य सचिव रामेश्वर ढकाल, ईश्वरपुर नगरपालिकाका मेयर मनोज आचार्य, प्रदेश कमिटि सदस्य सोनि बम्जन, शेर बहादुर योञ्जन, रमेश थोकरको सहभागीता रहेको थियो ।

कांग्रेसको यो अभियान यहि माघ २६ गतेसम्म चल्नेछ ।

क्षितिज विश्वकर्मा, लालबन्दी । सर्लाहीको हरिवन बजारमा ‘हरिवन फुड फेस्टिवल २०८०’ हुने भएको छ । उद्योग वाणिज्य संघ हरिवनको आयोजनामा ‘स्वदेशि उत्पादन आफ्नै परिकार, हरिवन महोत्सव राष्ट्रिय कलाकार’ भन्ने मुल नारासहित फेस्टिवलको आयोजना गर्न लागीएको हो ।

कोरोना कहरपछि सुस्ताएको बजार चहलपहल र ब्यापारिहरुमा देखिएको नैरास्यता अन्त्य गर्ने प्रयास स्वरुप उद्योग वाणिज्य संघ हरिवनले फेस्टिवलको आयोजना गर्न लागेको संघका अध्यक्ष प्रयागराज पोतेले बताउनुभयो । गायीका समिक्षा अधिकारीसहित अन्य राष्ट्रियस्तरका कलाकारहरुको उपस्थितीमा हरिवन बजारमा बृहत फुड फेस्टिवल गर्न लागीएको र त्यसको तयारी अन्तिम चरणमा पुगेको उद्योग वाणिज्य संघका सदस्य युवराज भण्डारीले जानकारी दिनुभयो ।

फेस्टिवल यहि माघ १८, १९ र २० गते हरिवन ११ पुर्व पश्चिम राजमार्गस्थित कृष्ण मन्दिर चोकमा हुँदैछ ।

लालबन्दी । सर्लाहीको हरिवनमा २ दिने ‘युवा नेतृत्व विकास तालिम’ सम्पन्न भएको छ । वडा नम्बर २ मा रहेको सिर्जनशिल युवा क्लबले तालिमको आयोजना गरेको हो । जसमा वडा नम्बर २, ४ र ५ का १६ देखि २५ बर्ष उमेर समुहका २४ जना युवाहरुको सहभागीता रहेको थियो ।

युरोपियन युनियनको आर्थिक सहयोग, हेल्भेटास नेपालसँगको साझेदारी तथा हरिवन नगरपालिकाको सहकार्यमा सहयोगी समाज नेपाल, सर्लाहीले संचालन गरिरहेको स्थानीय शासन प्रकृयामा युवा संलग्नता प्रवर्धन (प्रोयेल) परियोजना अन्तर्गत क्लवले तालिमको आयोजना गरेको क्लबका अध्यक्ष सन्तोषकुमार महतोले जानकारी दिए । ‘स्थानीय शासनमा युवा नेतृत्व’ उप–परियोजना अन्तर्गत यहि माघ १४ र १५ गते २ दिने तालिम सञ्चालन गरिएको हो ।

महेन्द्र महतोले प्रशिक्षण दिनुभएको तालिम समापन कार्यक्रममा वडा नम्बर २ का वडाध्यक्ष अर्जुन योञ्जन, स्थानीय शासन प्रकृयामा युवा संलग्नता प्रबद्र्धन परियोजना मधेस प्रदेश संयोजक निरमा चौधरी लगाएतको सहभागीता रहेको थियो । कार्यक्रमलाई सम्बोधन गर्दै कार्यक्रमको प्रमुख अतिथीसमेत रहेका वडाध्यक्ष योञ्जनले हरिवन नगरपालिकालाई युवा मैत्री पालिका बनाउनको निम्ति प्रयास भईरहेको बताएका थिए । नगरसभामार्फत निति नै निर्माण गरि युवाहरूको सृजनशीलता, नेतृत्व विकास लगाएतका बिषयहरु समेट्न आफुहरु प्रतिबद्ध रहेको वडाध्यक्ष योञ्जनको भनाई थियो ।

कार्यक्रमको संयोजन गायत्री परियार (अस्मिता)ले गर्नुभएको थियो ।

लालबन्दी । सर्लाहीको हरिवनमा सामाजिक सुरक्षा भत्ता (वृद्ध भत्ता) लिन बैंक पुगेकी एक वृद्धाको मृत्यु भएको छ । हरिवन नगरपालिका– ६ की ७७ वर्षीया शान्तमाया विकको सोमबार दिउँसो तीन बजेतिर हरिवनस्थित ग्लोवल आईएमई बैंकमा वृद्ध भत्ता लिन गएको बेला मृत्यु भएको हो ।

वृद्ध भत्ता लिने लाइनमा बसेको बेला उनी अकस्मात ढलेकी थिइन् । उनलाई तत्कालै उपचारका लागी स्वाभिमान अस्पताल पु¥याउँदा चिकित्सकले मृत घोषणा गरेका ईलाका प्रहरी कार्याल हरिवनले जनाएको छ । उनको हृदयघातको कारण मृत्यु भएको अनुमान गरिएको छ ।

मृतकका आफन्तले उनमा मुटुको पुरानै समस्या रहेको र स्वभाविक मृत्यु भएको बताएको ईलाका प्रहरी कार्याल हरिवनका प्रमुख प्रहरी निरिक्षक अनिल गीरिले जानकारी दिए ।

लालबन्दी । सर्लाहीको लालबन्दीस्थित लालबन्दी सिटि जेसिजको पदस्थापन कार्यक्रम सम्पन्न भएको छ । शनिबार साँझ लालबन्दी ९ मा रहेको होटल आर्या ईनमा जेसिजको ५ औँ पदस्थापन कार्यक्रमसम्पन्न भएको हो ।

कार्यक्रममा सन २०२४ का लागी लालबन्दीका ब्यवसायी उपेन्द्र महतोको संयोजकत्वमा कमिटि तयार गरिएको छ । समितीको कार्यकारी उपाध्यक्षद्वयमा उत्सव वन र कुमार घिमिरे, उपाध्यक्षहरुमा प्रतिमा पौडेल, सरिता केसि, रबिन बोहोरा र रामेश्वर महतो रहेका छन । लालबन्दी नगरपालिकाका नगर प्रमुख वासुदेब अधिकारीको प्रमुख आतिथ्यतामा भएको कार्यक्रममा उपप्रमुख कल्पनामाया पाख्रिन, बिभिन्न वडाका वडाध्यक्षहरु, पालिका अन्तर्गत रहेका बिभिन्न सरकारी, गैरसरकारी संघसंस्थाका प्रमुख, प्रतिनिधि, ईलाका प्रहरी कार्यालय लालबन्दीका प्रमुख प्रहरी निरिक्षक हरिबोल केसि, अन्य बिभिन्न पालिकाका जेसिज प्रतिनिधिहरुको सहभागीता रहेको थियो ।

लालबन्दी जेसिजका संस्थापक अध्यक्ष किरण घिमिरेसहित अन्य अध्यक्षहरुसमेतको सहभागीतामा बर्ष २०२३ का अध्यक्ष ठाकुर प्रसाद बख्रेल (मनोज) ले बर्ष २०२४ का अध्यक्ष महतोलाई पदभार सुम्पिएका थिए । प्रसन्न मुद्रामा देखिएका कार्यक्रमका सहभागीहरुबिच नगरप्रमुख अधिकारीले जेसिजको निति नियम आफुलाई सारै मन परेको बताएका थिए । एक ब्यक्ति, एक पद र एक कार्यकालको सिद्धान्त अन्य क्षेत्रमा पनि लागु गर्न सके अति उत्तम हुने धारण राखेका नगर प्रमुख अधिकारीले नव गठित कमिटिलाई बधाई तथा शुभकामना पनि ब्यक्त गरे ।

• भानुभक्त बराल, लालबन्दी ।

नेपाल रेडक्रस सोसाइटी उपशाखा लालबन्दीले आफ्नो १६ औँ साधारणसभा शनिबार आफ्नै भवनमा सम्पन्न गरेको छ । उपशाखा लाबन्दीका सभापति ध्रुब प्रसाद घिमिरेको अध्यक्षता एव्म लालबन्दी नगरपालिकाका नगर प्रमुख वासुदेव अधिकारीको प्रमुख आतिथ्यता रहेको थियो । त्यसैगरि साधारणसभामा विशिष्ट अथिती नेपाल रेडक्रस सोसाइटी केन्द्रीय सदस्य तथा जिल्ला सभापति नागेन्द्र प्रसाद चौधरी, अन्य अतिथिहरुमा लालबन्दी नगरपालिकाको प्रमुख प्रशासकिय अधिकृत बसन्त न्यौपाने, पद्मभुवनेश्वरी नमुना बृद्धसेवाश्रमको संचालीका भवानि कोईराला, लोक बहादुर कार्की, नारायणराज जोशी, गोविन्द महत, दिपक अधिकारी, देवीबन्धु थापा लगायत विभिन्न वडाका वडा अध्यक्षहरु रहेका थिए ।

कार्यक्रममा मन्तव्य राख्ने क्रममा ’जनज्योति क्याम्पसका अध्यक्ष दिपक अधिकारी, समाजसेबी गोविन्द महत, १६ नम्बर वडाका वडाध्यक्ष गणेश बहादुर थापा, लालबन्दी नगरपालिकाका प्रमुख प्रशासकिय अधिकृत वसन्त न्यौपाने लगायतले रेडक्रक उपशाखा लालवन्दीको कार्यले सबै सन्तुष्ट रहेको र आगामी दिनमा आँखा अस्पतालको रुपमा सबै प्रकारका सेवा दिन सकोस भनि शुभकामना दिएका थिए । विशिष्ट अतिथी सभापति नागेन्द्र प्रसाद चौधरीले उपशाखाको हालसम्मको प्रगतिको प्रशंसा गर्दै आगामी दिनमा रक्तसंचार सेवा संञ्चालन गर्न जिल्ला र केन्द्रले गर्ने साथै यसमा लालबन्दी नगरपालिकाले पनि सहयोग गरिदिने अपेक्षा प्रकट गरेका थिए । प्रमुख अतिथि लालबन्दी नगर प्रमुख वासुदेव अधिकारीले रेडक्रसद्वारा संचालीत आँखा उपचार केन्द्रलाइ पूर्ण रुपले सेवा दिन सक्ने अस्पताल बनाउन नगरले आवश्यक सहयोग गर्ने प्रतिवद्धता व्यक्त गरेका थिए । संस्थाको आय व्यय सर्वसहमतीमा पास भएपछी सभाका अध्यक्ष ध्रुव प्रसाद घिमिरेले उपस्थित सम्पूर्णलाई धन्यवाद दिदै १६ औं साधारण सभा विसर्जन भएको घोषणा गरे ।

नेपाल रेडक्रस सोसाइटी उपशाखा लालबन्दीले आफ्नो भवन निर्माणको काम २० प्रतिशत बाँकी रहेको जनाएको छ । करिव ७०० जना सदस्य रहेको संस्थाको भवन निर्माणमा हालसम्म १ करोड ३५ लाख लागत लागेको निर्माण समितीका संयोजक भरत प्रसाद गौतमले बताए । भवन निर्माण गर्न हालसम्म लालबन्दी नगरपालिका र विभिन्न वडाले ३१,५००००/–, मधेश प्रदेशबाट ३०,०००००/–, सोसाइटीको आफ्नो रकम ३४,७५०००/– लगायत विभिन्न दाताको सहयोग रहेको गौतमले जानकारी दिए । भवनको २०७६/२/२४ मा तत्कालीन लालबन्दी नगर प्रमुख मानबहादुर खड्काले शिल्यान्यास गरेका थिए ।

साधारणसभामा प्रमुख अतिथि तथा विशिष्ट अतिथीद्वारा नारायण राज जोशी, गोविन्द महत, महेश मैनाली, देवी बहादुर कार्की, पुष्कर खड्का, गोरख वल, गणेश थापा, मिन प्रसाद ढुङ्गेल, बुद्धदेव चौधरी, रामनारायण चौधरी, गोपाल कार्की लगायतका विशिष्ट सहयोगी दाताहरुलाई दोसल्ला ओढाई सम्मान गरिएको थियो ।

लालबन्दी । सर्लाहीका बिपन्न एवं दलित समुदायका बिपन्न परिवारलाई कम्बल वितरण गरिएको छ ।

जिल्ला प्रशासन कार्यालय सर्लाहीले मधेश प्रदेश सरकारबाट प्राप्त दुई हजार थान कम्बल बिपन्नलाई वितरण गरेको हो । शुक्रबार जिल्ला विपद् व्यवस्थापन समिति सर्लाहीले मलंगवा, बलरा, गोडैता नगरपालिका, कौडेना, चक्रघट्टा, विष्णु, रामनगर, धनकौल गाउँपालिकामा १,२८० थानकम्बल वितरण गरेको थियो ।

शनिबार कविलासी, बागमती, हरिवन, इश्वरपुर, चन्द्रनगर, हरिपूर्वा, पर्सा, ब्रह्मपुरीमा वितरण गरिएको जिल्ला प्रशासन कार्यालय मलंगवाले जनाएको छ । सिडियो कोमल प्रसाद धमला तथा सुरक्षा निकायका उच्च पदस्थ ब्यक्तित्वहरुको उपस्थितीमा बिपन्नलाई कम्बल बाँडिएको कार्यालयका कम्प्युटर अपरेटर मुकेश यादवले जानकारी दिए ।

• राजु तामाङ, बागमति ।

मकवानपुर जिल्लाको पुर्वी गाउँ बागमती गाउँपालिकाको राईगाउँमा ल्होछार मेला तथा सांस्कृतिक कार्यक्रम हुने भएको छ । तामाङ समुदायको राष्ट्रिय सांस्कृतिक पर्व सोनाम ल्होछार २८६० डुक ल्हो (गरुड वर्ग) को शुभ अवसरमा यही माघ २२ गते सोमबार राईगाउँ बजारमा ल्होछार मेला तथा सांस्कृतिक कार्यक्रम हुने भएको हो ।

स्थानीय राईगाउँ युवा क्लबको आयोजनामा हाम्रो संस्कृति हाम्रो शान, पर्यटन प्रवर्द्धनका लागि ल्होछार अभियान भन्ने नाराका साथ तामाङ समुदायको कला, संस्कृति, भेषभुषा र परम्परालाई संरक्षण र प्रवर्द्धन गर्ने उद्देश्य सहित ल्होछारको शुभकामना आदानप्रदान तथा सांस्कृतिक कार्यक्रम आयोजना गरिएको क्लवका अध्यक्ष तथा मेला संयोजक युवा समाजसेवी छवि बोम्जनले जानकारी गराए ।

ल्होछार मेला तथा सांस्कृतिक कार्यक्रममा तामाङ संस्कृति, भेषभुषा तथा विभिन्न खानाको स्टलहरु राखिने र थप मनोरञ्जनका लागि भने राष्ट्रिय चर्चित गायक/गायिकाहरु विशाल काल्तान, फुल कुमार बोम्जन, प्रकाश तितुङ, जीवन बोम्जन, रेश्मा बोम्जन, जितु लोप्चन, लक्ष्मी स्याङ्तान, सुमिना लो तथा नायिका सुनिता लुङ्बाको समेत प्रस्तुति रहने आयोजकले बताए ।

ल्होछार मेलाको सांस्कृतिक कार्यक्रम साँझ ५ बजेबाट सुरु हुनेछ उक्त कार्यक्रमलाई भव्य र सभ्य रुपमा सफल बनाउन र भरपुर मनोरञ्जन लिनका लागि सम्पूर्ण ल्होछार प्रेमी दर्शक महानुभावहरुलाई आयोजकको तर्फबाट निमन्त्रणा गरिएको छ ।

काठमाडौँ । लागुऔषध मुद्दाका थुनुवालाई भगाएर फरार भएका नेपाल प्रहरीका जवान १६ वर्षपछि पक्राउ परेका छन् । प्रहरीले तत्कालीन प्रहरी जवान वीरबल राय यादवलाई पक्राउ गरेको हो ।

उनले नक्कली चिट बनाई आफैँले फिल्ड अधिकृतको किर्ते दस्तखत गरी हिरासतमा रहेका लागूऔषध अपराधका थुनुवालाई भगाएका थिए । त्यसवापत् उनले ६ लाख २५ हजार रुपैयाँ लिएका थिए ।

काठमाडौं उपत्यका अपराध अनुसन्धान कार्यालयले उनलाई नेपाल(भारत सीमा क्षेत्र काँकडभिट्टाबाट पक्राउ गरी शुक्रबार सार्वजनिक गरेको हो । डिएसपी अनिल घिमिरेका अनुसार कार्यालयले यादवलाई शुक्रबारै प्रहरी परिसर काठमाडौंमा बुझाएको छ ।

उनलाई मुलुकी अपराध संहिता २०७४ को दफा १०२ अनुसार कसुरको सजाय हुने डिएसपी घिमिरेले बताए । पक्राउ पर्ने यादव हाल भारतको कोलकतामा श्रीमतीसहित बस्दै आएको खुलेको पाइएको प्रहरीले जनाएको छ ।

काठमाडौं । नेपाल पञ्चाङ्ग निर्णायक विकास समितिले विसं २०८१ का लागि १५ पात्रो (पञ्चाङ्ग)लाई स्वीकृति दिएको छ ।

विसं २०८१ का लागि समितिले १५ वटा पात्रो (पञ्चाङ्ग) लाई स्वीकृति दिने निर्णय गरेको कार्यकारी निर्देशक सूर्यप्रसाद ढुङ्गेलले जानकारी दिए । उनका अनुसार स्वीकृति दिएका पात्रो माघ १५ गतेदेखि बजारमा आउनेछ ।

आगामी वर्षका लागि तोयनाथ पन्तको, बाबुराम, नरनाथ, हिमाल, अठोला, तारकेश्वर, सूर्य, आकाश दर्शन, बङ्गलामुखी, शुभ, बाबा गोरखनाथ, कीर्ति, सिद्धि, खप्तड तारानाथ र गौरीशङ्कर गरी १५ पात्रो (पञ्चाङ्ग) ले स्वीकृति पाएको छ । समितिले विसं २०७९ देखि प्रकाशन सुरु गरेको ‘राष्ट्रिय पञ्चाङ्गम्’ लाई पनि निरन्तरता दिइने जनाइएको छ ।

विसं २०७६ सम्म पुस अन्तिम साता नै पात्रो (पञ्चाङ्ग)प्रकाशन भइसक्थ्यो । विसं २०७७ पुस २० गते मन्त्रिपरिषद्ले समितिको गठन आदेश स्वीकृत गरेको थियो । त्यसअघि मन्त्रालयको पत्रका आधारमा मात्र समिति गठन भएर पात्रोलाई स्वीकृति दिने गरिएको थियो । गठन आदेश अनुसार समितिले स्वीकृति दिएका पात्रोमात्र प्रयोग गर्न आम मानिसलाई सूचना प्रकाशन गरी आह्वान गरिएको छ ।

पात्रोमा राखिने तिथि, बार, योग, नक्षत्र र करण गरी पाँच समूहलाई पञ्चाङ्ग भनिन्छ । पछिल्लो समय सामान्य मानिसले पनि बुझून् भनी घडीपलालाई बजेमा रुपान्तरण गरेर समेत पात्रोमा राखिने गरेको छ ।