लालबन्दी : सर्लाहीको लालबन्दीस्थित लालबन्दी जेसिज बर्ष २०२३ को अध्यक्षमा ठाकुरप्रसाद बख्रेल (मनोज) सर्वसम्मत चयन भएका छन् ।
शुक्रवा सम्पन्न चौंथो साधारण सभाले बख्रेलको नेतृत्वमा जेसिज लालबन्दीको नयाँ कार्य समिति चयन गरेको हो । समितिमा गणेश कार्की र सुनिता खरेल कार्यकारिणी उपाध्यक्ष, कृष्ण भण्डारी, प्रवेश न्यौपाने, उत्सव वन र रामकृष्ण चौलागाई उपाध्यक्षमा चयन भए ।
लालबन्दी जेसिजका अध्यक्ष सन्तोष कुमार पौडेलको अध्यक्षतामा वार्षिक साधारण सभा सम्पन्न गरी २०२३ का लागि नयाँ नेतृत्व चयन गरिएको हो । महासचिव र कानूनी सल्लाहकार पछि मनोनित गरिने छ ।
लालबन्दी : सर्लाहीको हरिपुर र बाँके जंगलमा भएको दुर्घटनामा परि दुईजनाको मृत्यु भएको छ ।
शुक्रवार राति सवा दश बजे ईश्वरपुर नगरपालिका–१२, बाँके जंगल स्थित पुर्व पश्चिम लोकमार्गमा भएको मोटरसाईकल दुर्घटनामा चालकको मृत्यु भएको छ । दुर्घटनामा धनुषाधाम नगरपालिका–३, बस्ने ३० बर्षका रोशन यादवको मृत्यु भएको हो । उनी सवार ना १ ब २५५६ नम्बरको सरकारी मोटरसाईकल अनियन्त्रीत भएर दुर्घटनामा परेको थियो । सब-ईन्जिनियर यादव लालबन्दी नगरपालिकामा कार्यरत थिए ।
दुर्घटनामा परेर गम्भिर घाईते भएका यादवको प्रादेशिक अस्पताल मलंगवामा उपचारको क्रममा मृत्यु भएको जिल्ला प्रहरी कार्यलय सर्लाहीका प्रहरी नायव उपरिक्षक विजय यादवले जानकारी दिए ।
त्यसैगरि शुक्रवार राती ८ बजे हरिपुर नगरपालिका–८, जगतपुर स्थित मलंगवा–नवलपुर सडक खण्डमा भएको दुर्घटनामा साईकल यात्री हरिपुर–२ बस्ने ३५ बर्षका चक्रेश्वर चौधरीको ज्यान गएको हो । चौधरीलाई प्रदेश २–०३–००१ च २३९६ नम्बरको बालेरोले ठक्कर दिएको थियो ।
बोलेरोको ठक्करबाट गम्भिर घाईते भएका उन्को प्रादेशिक अस्पताल मलंगवामा सामान्य उपचार पश्चात थप उपचारको लागि बिरगंज लैजादै गर्दा बाटोमै मृत्यु भएको हो ।
प्रहरीका अनुसार मृतक दुवैजनाको सव पोष्टमार्टमका लागि प्रेदशिक अस्पताल मलंगवामा राखिएको छ । दुर्घटनामा संलग्न दुवै सवारी र बोलेरो चालकलाई समेत प्रहरीले नियन्त्रणमा लिएको छ ।
मेष
प्रशंसकहरू बढ्नेछन् र मानसम्मान समेत पाइनेछ। प्रतिस्पर्धीहरूलाई सजिलै वशमा ल्याउन सकिनेछ। सहयोगीहरू जुट्नाले व्यवसायबाट प्रशस्त फाइदा उठाउने मौका छ।
वृष
आम्दानी सामान्य भए पनि ठूलो खाँचो टर्नेछ। खर्च भए पनि विभिन्न अवसरले पछ्याउनेछन्। मेहनत गर्दा अवसर भने पाइनेछ।
मिथुन
नयाँ व्यवसाय सुरु गर्ने मौका छ। महत्वपूर्ण काम गरेर दाम, इनाम र प्रतिष्ठा कमाउने बेला छ। पारिवारिक भेटघाटले प्रसन्नता मिल्नेछ।
कर्कट
प्रयत्न गर्दा भाग्यले साथ दिनेछ। परिवारको सहयोगमा महत्वपूर्ण काममा सफलता मिल्नेछ। श्रमको उचित मूल्य पाइनुका साथै आम्दानी पनि बढ्नेछ।
सिंह
रमाइलो यात्राको अवसर जुट्न सक्छ। मन मिल्ने साथी भेटिनुका साथै प्रेमको बन्धन समेत कसिन सक्छ। अप्ठ्यारा कामको बोझ थपिने सम्भावना छ।
कन्या
सुरुमा केही खर्च लागे पनि सोचेको काम बन्नेछ। व्यवसायमा लगानी बढाउने मौका जुर्न सक्छ। असन्तुलित खानपानले पेटको समस्या आउने समय छ।
तुला
आफ्नो क्षेत्रमा प्रभुत्व जमाउने समय छ। पैत्रिक सम्पत्तिको उपयोगबाट थप फाइदा उठाउन सकिनेछ। प्रतिष्ठित कामको जिम्मेवारी पाइनेछ।
वृश्चिक
विगतका कमजोरी सच्याउने मौका मिल्नेछ। विशिष्ट व्यक्तित्वको सहयोग जुट्नाले विशेष अवसर पाइने समय छ। व्यापार ब्यबसायबाट लाभ मिल्नेछ।
धनु
काममा सुधार आउनुका साथै आस मारेको काम बन्नाले उत्साहित भइनेछ। एउटै कामबाट दोहोरो लाभ मिल्नेछ। समुदायको हितमा गरिएका कामको तारिफ हुनेछ।
मकर
सामान्य कामबाट राम्रो लाभ उठाउन सकिनेछ। लगनशीलताले महत्वपूर्ण काम दिलाउन सक्छ। मानसम्मान पनि पाइनेछ।
कुम्भ
अध्ययन अध्यापनमा प्रगति हुनेछ। बोलीको प्रभावले धेरैलाई आकर्षित गर्नुका साथै सजिलै काम बनाउन सकिनेछ। रमाइलो यात्राको योग रहेको छ।
मीन
विशिष्ट व्यक्तित्वको सहयोग जुट्नाले विशेष अवसर पाइने समय छ। दिगो फाइदा हुने काम शुभारम्भ गर्ने अवसर जुट्नेछ।
चितवन : नेपाली कांग्रेसका नेता डा शशाङ्क कोइरालाले रणनीति मिलाउन नसक्दा सरकार गुमाउनुपरेको बताउनुभएको छ ।
हिजो चितवनमा पत्रकारसँग कुराकानी गर्दै उहाँले भन्नुभयो, “पार्टीले रणनीति नमिलाएर यो दुर्घटना भयो ।” पहिले नै रणनीति मिलाएको भए गठबन्धन कायम रहने उहाँको भनाइ थियो ।
गठबन्धनबाट देउवालाई प्रधानमन्त्री बनाउने महत्वपूर्ण भूमिका दाहालले खेलेको उहाँले बताउनुभयो ।
उहाँले भन्नुभयो, ‘ठूलो पार्टीको नाताले पहिलो पटक नै प्रधानमन्त्री बन्छु कि भन्ने सोचका कारण समस्या आयो ।’ कांग्रेस प्रतिपक्षमा बस्दा विरोधका लागि विरोध मात्रै नगर्ने उल्लेख गर्दै उहाँले जिम्मेवारपूर्वक हिसाबले प्रतिपक्षको भूमिका निर्वाह गर्ने उहाँले बताउनुभयो ।
काठमाडौँ : नेकपा एकीकृत समाजवादीले सरकारमा सहभागिता विषयमा टुङ्गो लगाउन आज शनिबार स्थायी समितिको बैठक राख्दै छ।
पार्टीका अध्यक्ष माधवकुमार नेपालको अध्यक्षतामा आलोकनगरस्थित केन्द्रीय कार्यालयमा बस्ने बैठकले निर्वाचनमा पार्टीले प्राप्त गरेको परिणामको समीक्षा, पछिल्लो पटक विकास भएको राजनीतिक घटनाक्रममा पार्टीले निर्वाह गर्ने भूमिका, आगामी दिनका लागि रणनीति तथा कार्ययोजना, पार्टीले सरकारमा सहभागी नभए पनि सरकारलाई समर्थन गर्नेबारे निर्णय लिने केन्द्रीय प्रचार विभाग प्रमुख जगन्नाथ खतिवडाले जानकारी दिए।
पार्टीले पछिल्लो समय जनवर्गीय सङ्गठनका साथै प्रवासमा रहेका पार्टी निकट सङ्गठन, शुभेच्छुकसँग सुझाव लिएको छ। केहीले निर्वाचनमा जनताले प्रदान गरेको अभिमतबाट आफ्नो पार्टी प्रतिपक्षमा बसेर ढिलासुस्ती, भ्रष्टाचार, सामाजिक विकृतिका विरुद्ध क्रियाशील हुनुपर्ने, निर्वाचनमा पार्टीले उल्लेख्य सफलता कायम गर्ने अपेक्षा गरिएकामा कम उपलब्धि हासिल भएकाले केहीले सरकारमा सहभागी भएर पनि जनताको सेवा गर्दै सङ्गठन सुदृढीकरणमा लाग्नुपर्ने जस्ता सुझाव दिएका छन्। रासस
काठमाडौं : कम्बोडियाको एक होटल क्यासिनोमा भएको भीषण आगलागीमा परेर कम्तिमा १९ जनाको मृत्यु भएको छ ।
मृत्यु भएकामध्ये एकजना नेपाली नागरिक छन् । झापाको विर्तामोड नगरपालिका १ घर भएका ४० वर्षीय निराकार पाण्डेको मृत्यु भएको हो ।
पाण्डेका सहपाठी दिनेश सिलवालले बिहीबार बिहान ४ बजेतिर मृत्यु भएको पुष्टि भएको बताए । ‘त्यहाँ एकजना नेपाली साथी पनि हुनुहुन्थ्यो, उहाँले स्थानीय प्रहरीमा गएर शव सनाखत गर्नुभएको छ’, सिलवालले भने, ‘थाइल्याण्डस्थित नेपाली दूतावासमार्फत शव ल्याउनका लागि पहल भइरहेको छ ।’
उनले नेपाली कन्सुलेट जनरलबाट पत्र लिएर शव ल्याउने प्रक्रिया थालिने बताए ।
सिलवालका अनुसार व्यवसायको सिलसिलामा सिलवाल एक महिना अघि भिजिट भिसामा कम्बोडिया गएका थिए । उनी अंग्रेजी नयाँ वर्षमा घर फर्किने तयारीमा थिए । र ज्यान गुमाएका छन् ।
त्यहाँको ग्राण्ड डायमन्ट सिटी बिल्डिङमा रहेको होटल क्यासिनोको १२ औं तलामा उनी बसेका थिए ।
स्थानीय समयअनुसार बिहीबार राति साढे ११ बजेपछि आगलागी सुरु भएको बीबीसीले जनाएको छ । आगलागी भएपछि केही व्यक्ति भवनबाट हामफाल्दै गरेका भिडियो सामाजिक सञ्जालमा सार्वजनिक भएका थिए ।
‘राति आगो लागेको थाहा पाएपछि उहाँ निस्किन खोज्नुभएछ, साथीहरुले पनि करिडोरबाट माथि जान भनेका रहेछन्’, सिलवालले भने, ‘तर उहाँको करिडोरसम्म आगो लागिसकेको रहेछ ।’
बाहिर निस्किन सक्ने सम्भवना नरहेपछि सिलवालले घरमा फोन गरेर परिवार र आफन्तसँग कुरा गरेका थिए । ‘मलाई पनि भिडियो म्यासेज र सन्देशहरु पठाउनु भएको रहेछ’, सिलवालले भने, ‘म चाहिँ सुतिसकेकाले उठाउन पाइनँ ।’
बाहिर सार्वजनिक भएको एक भिडियो सन्देशमा पाण्डेले दिनेशलाई आफ्नो परिवारको ख्याल राखिदिन भनेका छन् । उनले अब आफू नरहने भन्दै ९ वर्षीय छोरा र परिवारको हेरचय गरिदिन भनेका छन् ।
निराकरका बुबा विर्तामोड १ का वडाध्यक्ष छन् । उनका सहपाठी वडा नं ३ का वडाध्यक्ष मदन बुढाथोकी भन्छन्, ‘मैले पनि भिडियोहरु हेरेँ, एकदमै विक्षिप्त भएँ ।’
उनले परिवारका सदस्यहरु भिडियो हेरेर विक्षिप्त भएको बताए । एक भिडियोमा उनले छोरालाई धेरै माया गर्ने बताउँदै भनेका छन्, ‘राम्रो मान्छे बन्नु है छोरा । कसैलाई चिट गर्नुहुन्न, फ्रड गर्नुहुन्न ।’ Onlinekhabar
- कारुणिक भिडियो
काठमाडौं : सरकारले मोबाइल डिभाइस म्यानेजमेन्ट सिस्टम (एमडीएमएस)को पूर्ण कार्यान्वयन तत्कालका लागि स्थगित गरेको छ । विदेशबाट फर्किने नेपालीले ल्याउने मोबाइलको व्यवस्थाबारे अन्योल भएपछि तत्कालका लागि उक्त सिस्टमको कार्यान्वयन स्थगित गरिएको हो ।
प्राधिकरणका अध्यक्ष पुरुषोत्तम खनालले विदेशबाट ल्याइएका मोबाइल दर्ता गर्नैपर्ने व्यवस्थालाई अनिवार्य नगरिएको बताए । ‘भविष्यमा आवश्यक तयारी र छलफलपछि कार्यान्वयन गर्छौं,’ उनले भने, ‘व्यवसायीले विदेशबाट ल्याएका मोबाइल दर्ता गर्न भने प्रणाली कायम रहनेछ ।’
चौतर्फी विरोध भएपछि सरकारले विदेशबाट उपहारमा मोबाइल ल्याउँदा भन्सार विन्दुमा प्रज्ञापनपत्र लिनुपर्ने व्यवस्था पनि तत्कालका लागि स्थगित गरेको छ । भन्सार विभागले विमानस्थल भन्सार कार्यालयलाई आजबाट जारी गर्ने भनिएको त्यस्ता प्रज्ञापनपत्र जारी नगर्न निर्देशन दिइसकेको छ ।
त्रिभुवन विमानस्थल भन्सार कार्यालयका प्रमुख अरुण पोखरेलका अनुसार आजबाट विदेशबाट आउनेहरुले आफ्नो प्रयोगमा रहेको एउटा मोबाइल स्वघोषणा गरेर निःशुल्क प्रज्ञापनपत्र लिने र दोस्रो मोबाइलको भन्सार शुल्क तिरेर मात्रै प्रज्ञापनपत्र लिने व्यवस्था कार्यान्वयन नगरिएको बताए । त्यसअनुसार भन्सारले प्रज्ञापनपत्र दिएको छैन । OK
राजेश पाठक, लालबन्दी : सर्लाही जिल्लाको बिकट क्षेत्र मानीने डाईनीखोला बस्तिमा बिजुली बत्ति बलेको छ । बस्तिमा बिजुली बत्ति बलेपछि त्यहाँका स्थानिय खुसि भएका छन ।
लालबन्दी नगरपालिका वडा नम्बर १४ मा पर्ने सो बस्तिमा लालबन्दी नगरप्रमुख वासुदेव अधिकारी र नेपाल विद्युत प्राधिकरण लालबन्दी वितरण केन्द्रका प्रमुख संजिव कुमार साहले बिहिवार नयाँ जडित ट्रान्सफर्मरमा बत्ती बालेर विद्युत सेवा शुभारम्भ गरे । सो बस्ति आसपासका अन्य बस्तीमा बिजुली बत्ति बलेको दुई दशक भइसक्दा पनि त्यहाँका बासिन्दा टुकी बालेर बस्न बाध्य थिए ।
बत्तिको स्विच थिचेर आधिकारीक उद्घान गर्न भेला भएका मेयर अधिकारी, बिद्युत लालबन्दी बितरण केन्द्र प्रमुख साह, वडाध्यक्ष छेनामसिंह घिसिङलगाएतलाई त्यहाँका स्थानियले खादा र अबिर लगाएर सम्मान गरेका थिए । सो क्षेत्रमा बिजुली पुगेपछि करिव ३०० घरधुरी लाभान्वित हुने स्थानियले खुसि हुँदै भने ।
सो वडामा ६ वटा २५ केभिए र एउटा १५ केभीको ट्रान्सर्फमर जडान गरिएको छ । भौगोलिक विकटताको कारण अझै सो वडाको सवै क्षेत्रमा विद्युत विस्तार हुन सकेको छैन ।
कुनै एक समयमा मानिस पनि जङ्गलमा बस्थ्यो । जङ्गली शासनको नियन्त्रणमा रहन्थ्यो । आफु भन्दा बलियोले कमजोरलाई आक्रमण गर्ने गथ्र्यो । त्यसलाई मारिदिन्थ्यो अनि उसले केही पनि गर्न सक्दैनथ्यो । त्यसपछि बिस्तारै–बिस्तारै परिवर्तन हुनथाल्यो । मानव सभ्यताको विकास हुनथाल्यो । जङ्गलबाट बाहिर आएपछि मानिसले खेतीपाती गर्न शुरु ग¥यो ।
मानव इतिहासमा खेतीको भूमिका पनि कस्तो रह्यो भने त्यस खेतीका कारण सबै कुरा बदलियो । खेतीका कारण बाटोघाटोको जन्म भयो । खेतीपातीका कारण राजाहरूको उदय भयो । खेतीका कारण पैसाको विकास भयो । खेतीकै कारण शहरको विकास भयो । खेतीले गर्दा नै आज हामीले प्रयोग गरिरहेका ती सबै चीजबिजको विकास भयो ।
मानिसहरूले बाली लगाए, त्यसमा परिश्रम गरे । तथापि, कुरा के भयो भने जङ्गली व्यवस्था त्यतिखेर पनि भएका कारणले बलियोले कमजोरको बालीनाली काटेर लैजान्थे । वास्तवमा उसले त मिहिनेत गरेको होइन । कोही अर्कैले मिहिनेत गरेको हो । तब यस्तो अवस्थामा मानिसले एउटा चाहना प्रकट ग¥यो अनि त्यही कुरा सभ्यताको जग बन्यो । त्यसपछि मानिसले कस्तो चाहना प्रकट गर्न थाल्यो भने उसभित्रै भएको उदारतालाई प्रयोग गर्नुपर्छ । बल अर्थात् शक्तिले भन्दा पनि दयाले काम गर्नुपर्छ । यो काम मानिसले गर्नुपर्छ ।
हरेक धर्ममा तपाईँले के कुरा पाउनुहुन्छ भने मानिसलाई दया गर्नुपर्छ ! दया भावलाई प्रकट गर्नुपर्छ । किनभने, क्षमा, उदारता, दया यी कुरा सबै धर्मका आधार हुन् । मानिसले दयालाई अघि राखेर काम गर्नुपर्छ । क्षमाले काम गर्नुपर्छ । उदारताका आधारमा काम गर्नुपर्छ । यो कुरा बदलिँदैन । यदि यस कुरालाई हामीले बुझ्यौँ भने वास्तवमा हामी सबै मानिसको धर्म एउटै हो ।
अनेक होइन । वास्तवमा क्षमा हामी सबैका लागि आवश्यक छ । हामी सबैलाई दयाको पनि आवश्यकता छ । यी कुराको आवश्यकता नहुने शायद कोही पनि छैन । यसर्थ सबै मानिसका लागि उपयोगी आधारभूत धर्मको विनाश हुन शुरु भयो भने घरको जग लड्दा घर पनि अवश्य लड्छ भनेजस्तै हुन्छ ।
वास्तवमा यही कुराले सभ्यता र जङ्गली शासनमा फरक तुल्याएको थियो । तथापि, यसबीचको पर्खाल भत्किरहेको छ अनि जङ्गली व्यवस्था फेरि फर्केर आइरहेको छ । कमजोर मान्छेले जेल जानुपर्छ तर सोही स्तरको गल्तीमा सम्पन्नहरू घरमै बस्छन् । शक्तिशालीले कमजोरहरूमाथि राज गर्छ । यसैलाई जङ्गली शासन भनिन्छ ।
यदि तपाईँलाई मैले त्यो जङ्गली व्यवस्था फर्कँदै छ भन्ने कुरा गरेँ भने तपाईँ के भन्नुुहुन्छ रु शक्तिशाली देशले चाहेको खण्डमा स–साना देशमाथि आक्रमण गरिदिन्छन् । यही नै जङ्गली शासन हो । सभ्यतामा जोसुकै चेली, जुनसुकै महिला दिदीबहिनीहरू चाहेको खण्डमा बाहिर घुमफिर गर्न सक्छन् । तिनलाई कुनै पनि दुःख हुनुहुँदैन तथापि यस्तो भइरहेको छैन । किनभने, जङ्गली व्यवस्था आइरहेको छ । यसकारण सभ्यता र जङ्गली शासनबीचको पर्खाललाई पुनर्निर्माण गर्नु आवश्यक छ ।
फलतः मानिस शान्तिको पथमा मोडियोस्, त्यो सभ्यताको मार्गमा जोडियोस् । त्यस सभ्यतामा उसले आफ्नो बारेमा सिकोस् । आफ्नै बारेमा जानोस् । उसभित्र पहिलादेखि नै उदारता छ र त्यसको उपयोग गर्र्नु पनि एकदमै अनिवार्य भएको छ । वास्तवमा यही कुरा सभ्यताको चिन्ह हो । जसलाई शिष्टता पनि भनिन्छ, यो त्यसको चिन्ह हो ।
एक समयमा टेलिभिजन थिएन । रेडियो थियो । टेलिभिजन नामको कुनै चीज थिएन । हरेक दिन हुलाकीले चिठीपत्र लिएर आउँथे । हुलाकीलाई पनि निकै फाइदा हुन्थ्यो । यदि तपाईँलाई कसैसँग रिस उठ्यो भने पनि तपाईँ चिठी लेख्न बस्नुहुन्थ्यो । चिठी लेखिसकेपश्चात् कुनै कुरा राम्रो लागेन भने फेरि लेखिन्थ्यो । तथापि, अहिले मेसेज (सन्देश) मा के लेखिरहेका हुन्छन् भन्ने कुरा थाहा नै हुँदैन । त्यसमाथि पनि स्वचालित रूपमा मेसेज सच्चिन्छ अनि पठाउनुहुन्छ ।
इमेल, मेसेजजस्ता चीजले सञ्चार कार्य त अवश्य पनि बढेको छ । तथापि, त्यो सञ्चारको सदुपयोग कसरी हुन्छ– हामी त्यस्तो सञ्चार गरिरहेका छौँ जुन सञ्चार गर्नलाई हामीले चाहेकै हुँदैनौँ । यो त कस्तो कुरा हो भने– स्वचालित कार छ । तपाईँ त्यसमा बस्नुहुन्छ अनि तपाईँ जान चाहेको ठाउँमा त्यसले लिएर जान्छ । अनि, आफुले जान नचाहेको स्थानमा लिएर जान थाल्यो भने तब तपाईँको अवस्था कस्तो हुन्छ रु जुन कुरा मैले भन्न चाहेकै थिइन तर मैले भनिदिएँ ।
किनभने, मानिसका लागि एउटा अत्यन्तै महत्त्वपूर्ण कुरा के हो भने उसले विचार गर्नुपर्छ । यो मानिसको कमजोरीको कुरा हो । यो मानिसमा विद्यमान क्षमता पनि हो । उसले के भइरहेको छ भन्ने कुरा विचार गर्न सक्छ । म के गर्न चाहन्छु ! पछि के हुन्छ ! तर, सामाजिक सञ्जाल, टेलिभिजनजस्ता ‘मनोरञ्जन’ का साधनका रूपमा चिनिने चीजले मानिसलाई आफ्नो बारेमा विचार गर्नबाट वञ्चित तुल्याएको छ । यसकारण अहिले मानिसले आफ्नो बारेमा सोचिरहेको छैन ।
यदि उसले आफ्नो बारेमा सोचेन भने जीवनमा कसरी जिउँछ ! उसले कसरी आफ्नो उद्देश्यका बारेमा थाहा पाउँछ ! पहिलाको समयमा न टेलिभिजन, न आइफोन, न आइप्याड, न कम्प्युटर, न रेडियोले नै काम गथ्र्यो । केही गर्नका लागि केही पनि थिएन । के त्यतिखेर पनि मानिसलाई दिक्क लाग्थ्यो त रु त्यस्तो कहिल्यै हुँदैनथ्यो ।
आज छ वर्षको बच्चाको मोबाइल तपाईँले राखिदिनुभयो भने उसलाई दिक्क लाग्न थाल्छ । ‘तिमीले अब टीभी हेर्न पाउँदैनौँ’ भन्यो भने उसले दिक्दार मान्न थाल्छ । त्यतिखेर म के गर्थेँ ? बाहिर गएर खेल्थेँ । के खेल्थेँ ? खेलौना पनि त हुँदैनथ्यो । चीजबीजलाई हेर्ने– यो आँपको फुल रहेछ । यसमा आँप फल्छ । यो मौरी हो अनि जुन फुलमा त्यो बस्थ्यो त्यसैलाई चाख्ने गरिन्थ्यो– के साँच्चै यसमा मिठास छ ! यसले यो मह कहाँबाट ल्याउँछ ! खोज अन्वेषण गर्ने, सोच्ने यी सबै कुराहरू मानिसका लागि एकदमै आवश्यक छ ।
तथापि, यी सबै कुरा अब रहेनन् अनि जङ्गली शासन र सभ्यताबीचको पर्खाल ढल्नेछ । किनभने, यो पर्खाललाई यथावत् राख्ने र यसको रक्षा गर्ने कार्य कोही एकजना व्यक्तिको मात्र जिम्मेवारी होइन । यो पर्खाल कहिल्यै नढलोस् भन्ने कुरामा हामी सबैले उत्तिकै जिम्मेवारी बहन गर्नुपर्छ ।अब प्रश्न के उठ्छ भने के कुनै चीजले यो पर्खाललाई फेरि निर्माण गर्न सक्छ अर्थात् कायम राख्न सक्छ ! मसँग यसको उत्तर छ । जुन मेरो सन्देश छ– मैले देखेको छु किनभने यसबाट फेरि पनि पर्खाल बनेको छ अनि पर्खाललाई व्यवस्थित रूपमा जोगाएर राख्न सक्छ । यसर्थ यो सन्देश सबै क्षेत्रमा पुग्नु आवश्यक छ !
तपाईँ सोच्न पनि सक्नुहुन्छ अनि कार्यान्वयन गर्न पनि सक्नुहुन्छ । तपाईँ सोचलाई बदल्न सक्नुहुन्छ तपाईँले गर्नुभएको कुरालाई बदल्न सक्नुहुन्न । यसर्थ यो पर्खाललाई फेरि निर्माण गर्नु अत्यन्तै आवश्यक छ । किनभने मानिस शान्तिको मार्गतिर मोडियोस्, त्यो सभ्यतातिर मोडियोस् । त्यो सभ्यतामा उसले आफ्नो बारेमा सिकोस्, आफ्नो बारेमा जानोस् । किनभने उसभित्र पहिलादेखि नै त्यो उदारता अवस्थित छ । यसलाई उपयोग गर्ने कुरा अत्यन्तै धेरै आवश्यक छ ।
यो धर्तीमा, यो जीवनमा हामीलाई यो समय प्राप्त भएको छ । के हामीले हाम्रो आफ्नो र अरूको जीवन पनि सुखमय बनोस् भनेर जीवन चलाएका छौँ ! वास्तवमा हामीले एक–अर्कोलाई ठेस नपु¥याऊँ । हामीले यस्तो गर्न थालेपछि त सबै समस्या सकिन्छ ।
मानिसहरू भन्ने गर्छन् नि– ‘शान्ति चाहियो, शान्ति चाहियो !’ कहिले भन्छन् रु जब अशान्तिले उनीहरूलाई सताउन थाल्छ । त्यसभन्दा पहिला यदि कसैलाई ‘के तपाईँलाई शान्ति चाहिएको छ’ भन्यो भने उसले भन्नेछ– ‘चाहिँदैन ।’ तपाईँ आफुले आफुलाई चाहे जतिसुकै बुद्धिमान् छु भनेर ठाने पनि या तपाईँ जतिसुकै जानकार हुनुहोस्, यथार्थमा यो त तपाईँलाई सुनाइएको कुरा हो । सानो बच्चालाई नर्क के हो अर्थात् स्वर्ग के हो भनेर थाहै हुँदैन ।
सानो बच्चालाई शान्ति के हो, अशान्ति के हो भनेर पनि थाहा हुँदैन । उसलाई केही थाहा छैन । उसलाई ‘एक’ के हो भनेर थाहा हुँदैन । ‘एक’ के हो भनेर त तपाईँलाई पनि थाहा छैन । यदि थाहा नभएर तपाईँले कसैलाई सोध्ने कोशिश गरे पनि ‘एक’ के हो अर्थात् ‘दुई’ के हो भनेर बुझाउने व्यक्ति पाउनुहुन्न । त्यसका बारेमा तपाईँले सिक्नुपर्छ । जब–जब दिन बित्दै जान्छ तब–तब बच्चाले सिकिरहेको हुन्छ ।
तपाईँलाई हितकारी कुरा के हो, अनहितको कुरा कुन हो, कुन कुरा गरेमा तपाईँको भलो हुन्छ भन्ने कुराका बारेमा थाहा हुनु अत्यावश्यक छ । वास्तवमा यो जीवन त एउटा सङ्घर्ष हो । हरेक दिन केही न केही गर्नुपर्छ । यो जीवन त लडाइँजस्तै भएको छ । लडाइँजस्तै– कुनै दिन हार हुन्छ भने कुनै दिन अलिकति जित हासिल हुन्छ ।
यो जीवनमा यदि यो लडाइँ चलिरहेको छ भने सबैभन्दा पहिला कुन चीजलाई जित्नु आवश्यक छ ! किनभने, तपाईँ त आफ्ना समस्याहरूमाथि विजय हासिल गर्न चाहनुहुन्छ । एकातिर तपाईँ हुनुहुन्छ अनि अर्कातिर तपाईँका समस्याहरू छन् । सबैभन्दा पहिला कसको जित हुनुपर्छ ! कसमाथि जित हासिल हुनुपर्छ ! किनभने, यदि तपाईँले आफुले आफुलाई नै जित्नुभएको छैन भने त तपाईँले कुनै पनि चीजमा जित हासिल गर्न सक्नुहुन्न । ‘मैले जित हासिल गरेँ’ भन्ने लागे पनि जित्न सक्नुहुन्न ।
त्यो तपाईँको जित होइन, किनभने तपाईँ त स्वयम् नै हार्नुभएको छ । यसर्थ यस जीवनमा सबैभन्दा पहिला जित हासिल गर्नुपर्छ भने आफुले आफुमाथि नै जित हासिल गर्नुपर्छ । यदि आफुमाथि जित हासिल भएन भने कुनै चीजमाथि तपाईँले जित हासिल गर्न सक्नुहुन्न । समस्याहरू आइरहन्छन् अनि तपाईँ त्यससँग लडिरहनुहुन्छ र एकदिन समस्यासँग लड्दा–लड्दै तपाईँ यो संसारबाटै बिदा हुनुहुन्छ ।
(मानवता र शान्ति विषयका अन्तर्राष्ट्रिय वक्ता प्रेम रावतको सम्बोधन । संकलित एवं प्रस्तुतीकरण : डा. प्रेमराज ढुङ्गेल ।)
काठमाडौं : भन्सार नतिरी ल्याइएका मोबाइल सेट आज शुक्रबारदेखि नचल्ने भएका छन् ।
नेपाल दूरसंचार प्राधिकरणले मोबाइल फोनमा एमडीएमएस नीति लागू गरेकाले भन्सारमा दर्ता नभई आएका सेटहरु नचल्ने भएका हुन ।
विदेश र भारतबाट अवैध रुपमा भित्रिने मोबाइल रोक्ने उद्देश्यले प्राधिकरणले यो नीति लागू गरेको हो ।
गत भदौ अघि नेपाल भित्रिएका मोबाइल सेटहरु भने चल्नेछन् । भदौपछि भन्सार नतिरी भित्रिएका सेटहरु भने एमडीएमएस दर्ता गरेपछि मात्रै चल्ने पनि प्राधिकरणले जनाएको छ ।
प्राधिकरणले यस अघि नै सार्वजनिक सूचना जारी गर्दै पुस १५ गतेपछि कुनै पनि मोबाइल फोन एमडीएमएसमा दर्ता नगरिने बताएको थियो ।
शुक्रबारदेखि विदेशबाट आउनेहरुले पनि आफूले प्रयोग गरेको बाहेक अन्य मोबाइल सेट ल्याए भन्सार तिर्नुपर्ने छ । कसैगरी भन्सार छलेर मोबाइल भित्र्याएमा सेटमा सिम राखेको दुई सातापछि फोन नचल्ने पनि प्राधिकरणले जनाएको छ ।
नेपालमा हाल प्रयोगमा रहेका मोबाइल सेट मध्ये करीब ४० प्रतिशत भन्सार नतिरी भित्रिएको अनुमान गरिएको छ । यो प्रणाली लागू भएपछि प्रयोग भईरहेका मोबाइलको रेकर्ड राख्न तथा चोरी नियन्त्रण गर्न पनि सजिलो हुने दाबी प्राधिकरणको छ । आयातकर्ताले नै आईएमईआई नम्बर दर्ता गरेपछि मात्रै फोन चालु हुनेछन् ।
